– بنت مسيحية ماشية في أمان الله رايحة شغلها … فكل ما بتعدي من مكان الشغل. (قدام مترو البحوث في المهندسين). بيطلع لها كائن متطرف ___ بيقعد يشتم فيها (لأنها بالنسبة له متبرجة). وبيهددها بالذبح. يوم الأحد اللي فات. قررت البنت متسكتش. ردت عليه. ضربها. حاول إنه يشوه جسدها. الناس هربته بدل ما يحجزوه لحد ما الشرطة تيجي تاخده. راحت عملت "كشف طبي". ثبت إنها بتتعرض للتعنيف. راحت قدمت بلاغ. أغلب الكلام اللي قالته متكتبش في المحضر. ولما قالت لرئيس المباحث. "ليه" .. قال لها مش كل اللي بيتقال بيتكتب ولحد دلوقتي. لأ تم القبض على المتطرف. ولا حق البنت رجع وأنا تعمدت منزلش صورتها عشان مش من حقي ولا حق حد طالما هي لسه مردتش عليا .. بس هسيب ليكم "البوست". في الكومنتات تحت. ومستعد أوصلها مع ضابط ومحامي يقدروا يساعدوها أول ما ترد .
– مسيحية أو مـ///ــلمة. لابسة نقاب أو بشعرها. لابسة واسع أو قصير. هيتم التحرش بيكي والاعتداء عليكي. عارفة ليه؟ لأن أحنا عايشين وسط بشر متطرف شهواني. بالنسبة ليهم أنتي عبارة عن "جسد وحلوى مكشوفة" .. ولو دافعتي عنهم تأكدي إن الدور هيصيبك منهم في وقت معين .
– الفكرة مبقتش خلاص في مسيحي ومـ///ــلم الفكرة بقت إزاي نقتلع الأفكار المسمومة الملعونة دي .. اللي خلتنى كلنا بلا أي استثناء مرعوبين جداً على أهلنا وعلى أصحابنا من التطرف الشهواني اللي حاصل ده .
– آسف ليكم يا أصحابي. آسف لكل مسيحيين ونساء مصر . ????
أحمد عرفات | كاتب علماني
