واحد طول نهاره بصفحات ، عارضات الأزياء البولندية الأجنبيات ويبصبص ويدور شو لابسين ومش لابسين ..
نشر فيديو لبنتين روسيات بعمان يتشمسوا على سطح بيتهم ، ويا سيدي البنات عاريات
وأنا ضد العري بالأماكن العامة ، لكن البنات على سطح بيتهم
يعني لو ما نشر الفيديو ما حدا رح يعرف
بتروح الحكومة تلقي القبض على البنات وتترك اللي نشر الفيديو .. طب كيف؟
على فرض أي انسان طلع يتشمس وواحد صوره ونشر .. تحبسو اللي طلع يتشمس وتتركوا اللي فضحه؟
طب من وين يجيب فيتامين د؟ حق العلبة ١٦ دينار
غريب جدا ..
الحكومة أكيد أدرى بمصلحتنا .. بس اللي انتهك خصوصية البنات لازم يتحاسب .. لأن هو اللي خدش الحياء العام
كل إنسان حر ببيته وحر شو يعمل والمفروض هذا أ ب حقوق الإنسان.
وشكرا
هاشم العامر | كاتب
