"فرنسا حددت سن ممارسة الجنس ب 15 سنة ، وانت تعارض زواج القاصرات عنا"
– تمام يا جاهل .. انت لما تحكيلي هيك تحرج نفسك مش تحرجني
الزواج غير ممارسة الجنس ، إلا إذا انت شايف إن الزواج فقط ممارسة جنس
بدون ما نبرر للفرنسيين لكن الممارسة شيء وانك تجيب بنت قاصر وتزوجها لواحد وتحملها مسؤولية تفتح بيت وتكوّن أسرة شيء آخر تماما
نضوج جسم الطفلة لا يعني نضوج عقلها ونفسيتها ، تخيل بنت 15 سنة أو 16 سنة مسؤولة عن بيت وتخيل يكون عندها اطفال وهي مسؤولة عن رعايتهم وتربيتهم!
كيف طفلة تربي أطفال؟
طب انت تكون كإنسان بالغ عاقل كيف ممكن تكون زوجتك طفلة؟ شو نوع المتعة بالموضوع؟
كيف رح تشاركك حياتك واهتماماتك؟ كيف ممكن تفتح معها حوار أو نقاش؟
كيف ممكن تستشيرها بمشاكلك؟
طب افرض انك متت بحادث أو بأي مصيبة .. كيف رح تترك لبنت عمرها 16 سنة مسؤولية رعاية بيت بأطفاله؟
طب انت واللي زيك متخلفين وجهلة .. الحكومة معقول ما فيها عاقل واحد مدرك خطورة الموضوع؟
كدولة بهيك قرار انتو مش بسضيتوا على أحلام طفلة بتزويجها ، ولا قضيتوا على مستقبلها ومستقبل أطفالها اللي رح تتوكل بتربيتهم .. انت قضيتوا على أي أمل أن الدولة تتطور وتمشي للأمام
المشاكل المجتمعية أخطر من أي مشكلة اقتصادية مهما كانت .. وهي أصلا تولدها ..
نسب الفقر والبطالة المرتفعة أحد أسبابها بالنسبة للفساد .. هو زواج القاصرات .. انت تزوج طفلة عمرها 15 أو 16 لإنسان براس حمار ، يوصل عمرها ثلاثين يكون عندها أقل شيء 10 أطفال.
طبعا غير ان زواج القاصرات أهم أسباب الطلاق .. يعني تخيلوا كمجتمع يكون في بنات عمرهم 20 سنة مطلقين ومعهم طفلين ثلاث!
هاي شو مصيرها ومصير أطفالها؟
أغبى قانون في العالم هو القانون اللي يسمح انه طفلة تتزوج
وإسقاط هيك قانون اللجوء قصوى.
هاشم العامر | كاتب
