أبوس ايدك إفهم يابأف وبطل تبرطع زى الحمار ……………….
كنا فى آخر التمانينات، وقاعد مع صديقى ياسر مدير البنك الأهلى فى طابا- هو الحقيقة كان مدير وفراش وخدامة وبواب وحارس أمن- البنك عبارة عن كارافان فيه المكتب وجوة حمام ومطبخ وأوضة نوم مفتوحين على بعض، وأيامها كنت ناصرى عروبى متعصب، ودخل علينا شاب فلسطينى يغير عملة، وقابلته بترحاب فى بلدى طابا، وبجامله بالقول: بكرة تتحرر القدس من تانى ونرجع إخوات فى العروبة، بص لى باحتقار وهو بيقول: ومين قال لك إننا عايزين نتحرر؟ أنا إسرائيلى وأفتخر، وراح بكل عظمة رامى الباسبور الإسرائيلى أدامى، هو انتوا لاقيين تاكلوا عشان تحرروا غيركو؟ حرروا نفسكو الأول وعيشوا الديمقراطية اللى احنا عايشينها.!!!
كانت صدمة فكرية عنيفة جدا لمعاق ناصرى حافظ مش فاهم، ودة سبب كتابتى المقال دة للمعاقين اللى مش فاهمين، فياريت تسمعوا من راجل صادق عاشق للوطن .
عدد سكان اسرائيل حوالى عشرة مليون، منهم اتنين مليون من عرب 48 ، يعنى من الناس اللى لاباعت أرضها، ولاهربت من بلدها، وإسرائيل إدتهم الجنسية الإسرائيلية سنة 52 ، ودى ناس ولائها المطلق للدولة العبرية، وعمرهم ماعملوا عمليات عسكرية داخل الحدود اللى بيسموها الشريط الاخضر، وبيتعاملوا نفس معاملة اليهود مع فارق وحيد، إن التجنيد إجبارى لليهود واختيارى للعرب، ورغم كدة كتير من العرب بينضموا للجيش للتمتع بالامتيازات.
وعندك كمان 200 ألف من البدو شايفين انهم إسرائيليين عرب، يعنى ولائهم مطلق للدولة، ولكن عدد قليل منهم بيدخل الجيش لأنهم مش متعودين على النظام.
دلوقتى المصرى بتاع شهداء بالملايين، لما يروح يحارب اسرائيل ويلاقى الجندى اللى بيحاربه فلسطينى من الاتنين مليون عربى اسرائيلى، تفتكر هايكون ايه موقفه؟ الحقيقة الموقف كوميدى، انت رايح تقتل فلسطينى فى جيش الأعداء عشان تحرر أرضه وتديهاله فى الجنة ونعيمها.!!!
قبل ماتطلب من دولتك تحارب، أطلب من خمس سكان اسرائيل من العرب المسلمين يحاربوا ويضربوا بمبة واحدة جوة الشريط الأخضر، ودة عمره ماحصل من سنة 48 للنهاردة.!!!
توبوا- يارمم- خربتوها ……………………….
…………………………………………………………………………………….
فى الصورة مدن الناصرة والطيبة وام الفحم الفلسطينية، اللى انضف وأرقى من مدن النخبة ف مصر ………..
يمكنك دعم الموقع من هنا
مؤسسة ندى لحماية الفتيات
