قلبي مكسور

قلبي مكسور💔

انا مش عارف ليش الناس ما تحس، او تشعر، او اقلها تحاول تقرب بين القلوب، أو تسهل الزيجات، وتآلف بين القلوب!
مش عارف ليش يصعبوا الزواج، وطلبياته، وبعدها يشتكوا من الجرائم، والقلاقل، وسفك الدم.اء!
كأنهم مش فاهمين أن الجنس اللطيف يخفف، ويقلل من نزعة، وميول العنف للذكور! اعتقد ان الكون لو مكنش فيه اناث، انحنا غرقنا ببحور من الدم.اء..

كأي شاب حبيت، واتحبيت، وعشت قصة حب جميلة كذا، ولقيت نفسي رحت اخطب وللأسف انرفضت! كان الرفض مؤلم، وقاسي وكل حاجة، بس الأكثر ألم اننا اكتشفت اننا اقل من ما كنت اشتي، واقل من ما كنت ناوي ابين للناس غلطهم.. بس الظاهر كذا انهم محقين بشأني!
الرفض الأكبر كان بسبب جوهري، وماهيتي، وعقليتي، ومعتقداتي! رفض كل شيء فيبي!!

قلت في نفسي معليش، دام الحب متبادل، الا متلاقي طريقة يجمعك باللي اندمجت فيه، واصبح يجري بدمك مجرى الدم في العروق؛ دام انها متمسكه فيك وكذا.. بس للأسف هي كمان قلبت فجأة، وتحول الحب لكرهه! اتوجعت ايوة، واللي مزيد الوجع ان القلبه بدون أسباب.. ومفيش غير كم يوم، الا وعرفت بموعد زفافها، ومع حد عزيز عليا من اصحابي!!
هيوانين

حاجة ما تتحتمل
بدأت الدنيا تتشوش، والألوان تتلخبط، والأحداث تختلط، والامور تتشابك..

ما قدرت اتحمل، رحت لغرفتي، وغلقت على نفسي، وجبت الاة حدة وقطعت شريا. الا ان المدرب أحمد الدبعي جالي فجأة كذا من العدم لغرفتي.. وكذا بدون اي منطق لقيت نفسي معلق بين يداته المطاطيتين، وهو يقلي ” تشتي تق.تل نفسك يا ملح.د.. عشان معزتي لك بريحك انا ولا تدخل النار..” وبدأت يداته تتحول لأطراف اخطبوط، وخنق اهلاتي بأقوى ما عنده، وكان الدم يتجمع براسي، ويتجمع وينتفخ الييييييين انفج صحيت من النوم، وانا أصيح بأقوى قوتي، وانا غرقان بالعرق، والهث وكأننا كنت على عتبات المو.ت!

بعد هذا الكابوس ما عد بنمش لشهر قدام.
من كثر الرشح كنت مشتيش اخر من الحمام، ولا من بين الماء، والصابون..
هذا وما نمت غير ساعة وربع! قسم بالله مش اكثر!

واللي مزعلنا، وقاتلنا قهر أن أغلب الحلم ملوش أي اساس من الصحة! معروف ان للاحلام شيء في الواقع؛ الحلم عبارة عن مخاوف في اللاوعي، واحداث، وذكريات قديمة وكذا.. بس انا لا.. حلمي ملوش أي معطيات من الواقع، او بالأصح أغلب أحداثه، وشخصياته!

مش زعلان من الكابوس غير أنه خلانا احب، واتحب، ولما صحيت لقيت نفسي بغور، وانا حاضن للمخدة، بغرفتي الضيقة جدًا، واخر اتصال لأبو كنان!!

ايش الغلب هذا يا ناس؟!!
مشاكلي كثيييرة حتى بالحلم!!
مع ذلك
رجعوني الحلم، بس لما قبل القفلة السيئة..

انا اكرهنا جدًا وربي!

#كابوس_الموت
#اسوء_كابوس

لؤي العزعزي

يمكنك دعم الموقع من هنا
مؤسسة ندى لحماية الفتيات