كريم حبيب
بستغرب جداً الناس الي نازله بعد ٢٠ و ٣٠ سنة عاشتهم بره مصر وجمعت فيهم ما يدفع تحويشة العمر عشان تنزل تستثمرهم في مصر !!! لا ومقت مشاريعهم انهم هينجحوا وانوا مشاريعهم هتحقق نجاح ولو بعد وقت !!!!
انا عايز اعرف هوا في ايه في مصر ناجح ، ايه الي انتوا شفتوا في مصر خلاكم تاخدوا خطوة انكم تستثمروا في مصر ، هل في مثلا نمو اقتصادي ، هل في مثلا عملة قوية ليها قيمة ، الحكومة هل بتدعم الناس الي بتعمل مشاريع ، طب بلاش شفتوا ايه خليني اسألك انت شايف ايه دلوقتي هقولك انا، انت شايف بلد منهارة اقتصاديا وعملتها ملهاش قيمة، شايف بلد رمز في غلو الاسعار، شايف بلد كلها حراميه، دا جهاز المدينة هيسرقكم، والضرايب هتسرقكم، ولو جايب ناس تشتغل عندك في المشروع هتسرقك !!! يعني انت نازل بعد عمر طويل عشان تتسرق وتقولي اصل انا عايز استثمر في بلدي اصل انا تعبت من الغربه اصل حابب اقعد جنب حبايبي وقرايبي ، كل دا منطقي بس دا مشناه انك ترمي فلوسك في الارض بحجة انك عايز تفتح مشروع مفيد سواء تعليمي او طبي او هندسي تعيش ومتوقع انه هينجح في مصر طب لو نازل تفتح مشروع هلس انا هينجح ولا اجي كمان احط فلوسي معاك ونفتحه سوا.
بيفكروني بالست الي قعدت تطبخ لجوزها من ٧ الصبح عشان جاي من السفر وبعد ما طبخت حطت شوية رمل على الطبخه من فوق بوظت الطبخه كلها وتعبها راح على الفاضي.
