في الكُلية الإكليركية في اخر كُل مُحاضرة حرفيًا بيتحايلوا علينا كطلبـة دارسين نسأل أي سؤال علشان يقدموا لينا ردود كتابية ومنطقية نقتنع بيها كشباب مش بنقبل أي كلام وخلاص من غير ما نكون مُقتنعين بيه أتم الإقتناع كمان، وفـ الاخر جاهل يطلع يصيح ويقولك يا عم دول بيتهربوا من الرد علينا، وللأسف بجهلهم الشديد مش قادرين يفهموا ليه مش بنرضى ندخل معاهم في حوار ونعملهم قيمة ونرد عليهم.
هل علشان الأسئلة عَثِرة وصعبة ومش قادرين نواجهها؟!
لأ طبعًا.
لأن مافيش سؤال ف المسيحية مالوش إجابة.
هوضح بس نقطة مهمة جدًا..
هما عارفين كويس أوي إن محدش من قيادات ومسؤولين الكنيسة هيرد عليهم لإعتبارات كتير منها وأهمها ؛ خوفنا المُطلق على بلدنا من نار الفتنة إللي بيشعلوها دايمًا دا سبب، السبب التاني علشان احنا كـكنيسة عارفين كويس جدًا جدًا إن مافيش مسيحي واحد إيمانه بيتهز سنتي بسبب كلامهم الأحمق إللي بينقلوه من بعض دون علم أو حتى أدنى درجة من الفهم.. من الاخر عملهم المتدني دا بلا تأثير ودا أهم شيء عندنا إن ولادنا يكونوا ثابتين في المسيح، هما بقى بيستغلوا الحتة دي ويلعبوا عليها حلو أوي لعب شيطاني يعني!
يقولك إيه بقى يا صديقي..
لو حد من آباء الكنيسة إللي بيضحكوا عليك دول واثق من إيمانه كويس هاته يدخل معانا في مناظرة!
طب أبونا دا مش هيدخل في مناظرة مع الأشكال دي!
يقولك إيه بقى..
بما إني قولتلك يا زميلي المسيحي لو أبونا دا واثق من إيمانه يدخل معايا في مناظرة وأبونا دا رفض طلبي.
إذًا..
أبونا دا خايف وبيتهرب ومش واثق من إيمانه ومش مقتنع أصلًا بيه وبيضحك عليكوا زي ما قولتلك يا صحبي وأنت مصدقتنيش.
منطق سليم تمامًا.. هو دا إللي بيحاولوا بمنتهى الرخص يوصلوه لعامة المسيحيين.. إن القساوسة دول وحشين وكوخة وبيضحكوا عليكوا علشان يثبتوكم على إيمانكم بالباطل وهما أصلًا مش فاهمين حاجة..
هو دا إللي بيموتوا نفسهم ليل نهار علشان يهزوا ثقتنا في الآباء الكهنة فبالتالي ثقتنا في الإيمان هتتهز، صدقوني هي دي شغلتهم إللي بيأخدوا عليها مبالغ ضخمة.. واحنا لا يمكن ندخل معاهم في أي حوار أو نقاش حتى بلا هدف منه غير أهداف خبيثة متدنية جدًا واضحة حتى للأعمى.. الأخ جوجل مخلاش حاجة كل إللي هتسأل عنه هتلاقي قدامك مئات وآلاف الردود والكتب التفصيلية بخصوص الموضوع إللي بتبحث عنه دا لو حد فيكم عارف يعني إيه بحث أساسًا.
إللي نيته المعرفة الحقيقة فعلًا بترد ونجاوب ونوضح
لكن إللي داخل يطعن ويشكك وينقد وخلاص دا عندنا ولا ليه أي تلاتين لازمة ولا كأنه موجود من الأساس..
ربنا يهديهم على نفسهم، هي الفلوس عمتهم معلش نصليلهم، وربنا يحافظ على ولاده من كل شر ومن كل مكيدة مدبرة لنا.
إيمانا قوي وثابت كالصخر.❤️
#أبانوب_فوزي
يمكنك دعم الموقع من هنا
مؤسسة ندى لحماية الفتيات
نحن نؤمن بالله الواحد وايماننا قوي وثابت ولن يتزعزع ابدا ولا يهمنا من يتكلم وعن اي شي يتكلم لكن اقول لو هو عنده الثقه والايمان الثابت مثلنا لا يعنيه اني أصح ام غلط اخي الفاضل اهتم بخلاص نفسك واترك الآخرين من له اذان لسمع فليسمع