امبارح كنت بشكر فى صديقة محجبة، والاصدقاء ثاروا عليا، ازاى تشكر فى محجبة وانت بتقول ان الحجاب رداء للخادمة ومرات البواب…… والحقيقة انا سعيد بهجوم كتير من الأصدقاء لانهم بيحبونى ومش عايزين يشوفونى بنحرف عن فكرى حبا فى صديقة مهما كانت، والحقيقة لا انا ولا القران ولا النبى محمد بنحب الحردة إللى بيسموها الحجاب، لكن بالتأكيد بحب العشرات من المحجبات من القرايب والجيران، بس بشفق عليهم لأنهم مابيفهموش وماشيين ورا القطيع.
نرجع لعصر النبوة ونشوف رداء البدوية، هتلاقي حتة قماشة بيخرج منها الذراعين والوجه، بلااى معالم زينة كانت موجودة ف مصر من ايام الفراعنة، بس احنا بنتكلم على بدو رحل مش لاقيين ياكلوا اصلا، ولكن………
المرأة انثى فى كل الاحوال وبتحاول تجذب النظر، تقوم موسعة فتحة الرقبة لتحت شوية لحد ما يظهر النحر، إللى هو منطقة مابين الثديين، ودى بالطبع مثيرة للرجال، وهنا امر القرآن النسوان يلبسوا جلابية طويلة، ويقفلوا الفتحة إللى بتظهر الثديين، وباجماع المفسرين مافيش ف القرآن اية واحدة بتؤمر المرأة تغطى شعرها نهائيا……
لكن غطاء الراس بيستند على حديث ضعيف للسيدة اسماء بنت ابو بكر، وبيدعى انها دخلت على النبى بلبس فاضح فقال لها مايصحش يبان منها غير الوجه والكفين، وحديث الاحاد لايقام عليه فرض، وكمان عيب اوى نقول ان ذات النطاقين تبقى بجحة وتدخل بيت نبى وهى عريانة، عيب ف حقكم.
من كام شهر شيخ الأزهر شتم غير المحجبة، جيت هنا وشتمت شيخ الأزهر وتحديته يقول الآية إللى بتؤمر بالحجاب، تراجع وقال سنة، تحديته يجيب الحديث، جه المفتى وقال انه لاقران ولاحديث بس طقس مستحب، يعنى مش أمر من الله ولارسوله، ودة منطقى تماما، لأن الشعر غير مثير للذكور، لكن الثدى فيه إثارة فعلا ومنطقى يؤمر الشرع بتغطيته للحرة فقط
على ايامنا كان الحجاب للخدامة ومرات البواب فقط، ومستحيل هانم تلبسه، دلوقتى الحجاب بقى رمز سياسى لسيطرة الإخوان على المجتمع، حتى وصل إلى قصر فرعون.
بالنسبة للنقاب المصيبة اعظم، فاليهود كانوا يعتبرونه رداء للزانية، ووافقهم النبى محمد، وقال فى حديث ضعيف ل منيعة بنت قريبة….. يا امة الله اسفرى، فإن الأسفار من الاسلام، وأن النقاب من الفجور ….. يعنى المنتقبة فى رأى النبى فاجرة….. ومش هاعلق
حقك تكونى خدامة، وحقك تكونى فاجرة، وحقى أرفضك وارفض كل ماتمثليه من هوان فى ساحة المشهد المصرى .
يمكنك دعم الموقع من هنا
مؤسسة ندى لحماية الفتيات
اعتقد يا مولانا بعض الناس علقت علي التناقض فيما بين الحجاب و مساحيق التجميل و خلافه
كلام سليم يا مولانا
تغييب العقووووووووول خمسون عاما
لقد أصبح أمرا واقعيا.. ولا ترى كثيرات من النساء حالهم بدونه
كلام صح صح صح صح يا مولانا
لا الحجاب ولا النقاب مذكورين في القرآن ولا السنة اللي بينادوا بيها أنها ٣/٤الدين بالعكس القران به أية علي عدم النقاب واخفاء الوجه (ولو أعجبك حسنهن..الاية)
هو ايه الفرق بين
المنقبة و المنتقبة؟
والاخت اليسا كيف ستغطيه،،
موضوع الحجاب والنقاب تعدى مرحلة الفرض او حتى الدين ولكن أصبح ضرورة اقتصادية، فليس بإمكان أى سيدة الذهاب للكوافير كل يوم أو استبدال ملابسها يوميا لو موظفة او حتى عاملة. لقد أصبح الحجاب والنقاب سترا لعورة اقتصادية ، ومن يناقش موضوع الحجاب او النقاب بعيدا عن المسألة الاقتصادية المتردية ..يكون قد هجر المنطق والحقيقة.. والله أعلم.
على فكره انت قلت كده في الحجاب عشان انت جوه خير دي الفطره السليمه سيب نفسك تمشيش ورا الافكار اللي تعباك دي