فى حروبى الكلامية للدفاع عن القمنى ضد الأعداء كنت بحوله إلى سوبرمان، مش عشان أنا شايفه كدة، عشان أقضى على الأعداء اللى بيبالغوا فى سبه وتحقيره، لحد مااقضى عليهم تماما.
القمنى لافى جبروت زكى نجيب محمود الفكرى، ولا فى ثقاففة إمام عبد الفتاح المرعبة، ولا فى إبداع خليل عبد الكريم اللى انا شايفه أعظم مبدع مصرى على الإطلاق، ولكن ………………
القمنى ثبت على مبادئه حتى القبر ولم يتراجع مثل زكى، وأعلن بكل قوة الكثير من إيمانه علنا وتعرض للموت فى حين أنكر د إمام إلحاده وشكر فى الإسلام بكل إيمان، وأخيرا القمنى لم يحتمى بالتراث مثلما إحتمى به خليل عبد الكريم، القمنى احتمى بالفكر والعقل والإيمان بالمواطنة.
شخصيا بعشق القمنى رغم أى خلافات، سواء هو كان واطى أو كنت أنا فاجر، برضه بعشقه، ورغم كدة ورغم إنه قربنى منه وكلفنى أكمل مسيرته بما فى ذلك من فخر طوق به عنقى للأبد، بس مش معنى كدة إنى أبالغ فى تقييمه، والله لو بنتى اللى بعبدها، بس عارف ف سوق البنات تسوى كام بالظبط، وانا قاسى جدا هنا حتى على نفسى.
القمنى فى سوق التنوير هو الأول والأعظم بلامنازع، لا طه حسين ولا العقاد ولا حتى نجيب محفوظ ونصر ابو زيد وفرج، وكل شلل التنويريين، هنا القمنى هو الألفا وبينه وبين أقرب تنويرى منافس مليون سنة ضوئية، ببساطة لأنه نقل التنوير من مستوى النخبة للشارع المصرى، هنا هو سقراط اللى أنزل الفلسفة من السماء للأرضيات، والقمنى نزل التنوير من صالونات المثقفين للبقال والجزار وام محمد الشغالة…….
الراجل دة عظيم بجد- بالمناسبة هو مش شايف إنه عظيم- حاولوا تستفيدوا من فكره زى مابحاول.!!
يمكنك دعم الموقع من هنا
مؤسسة ندى لحماية الفتيات
دي فين ف الساحل يامولانا
جمال القمنى ..زى ما سعادتك بتقول انة عرف يوصل للبسطاء. انا فى برنامج مع الحسينى كنت بقول يا نهار اسود الكلام دة ازاى بيتقال فى التليفزيون …لكن المحزن انة بعد القمنى وكل التنويريين .التاثير قليل جدا…السلفية مهيمنة
بص يا استاذ انا هاحترم علاقتك و صداقتك بيه بس انا ليا تحفظات عليه علميا مش تعرض لشخصه
وزي ما إحنا شايفين كده بسم الله ما شاء الله سيد القمني قدر يغير في البقال والجزار وأم محمد الشغالة!!
هو حبيبك و بس
السلام والطمأنينه والمحبه لروحه الطاهرة… فعلا الفارس الحقيقي بلا منازع…
فعلا بساطه اسلوبه خلي ناس كتير تعرفه عشان كده الاسلامجيه كانوا بيكرهوه
مش عارف ازاى ماشوفتكش معاه والا مرة ؟؟ ماكنتش بتيجى معاه اسكندرية ياكبير؟
خليل عبد الكريم العظيم جداً كمفكر وإنسان عرفته وللأسف لم ينجب من يكون خليفة له!!!!! لم يحتم بالتراث ولا التاريخ الإظلامي ولاحتي بالدين، لكنه تمسك بهم في محاورته ليقول لهم تلك هي بضاعتكم وقد ردت إليكم، كان متمكناً في مادته وموسعيته وعرضه وشجاعته، عكس جبن إمام وزكي نجيب محمود لم يماثل في البطوله الا طه حسين وحسين فوزي تلك العلامات المضيئة الفارقه في تاريخنا المعاصر، أيام ماكان فيه تاريخ!!!!!
لروحه السلام ولحضرتك كل الاحترام
مع احترامى لكل هؤلاء فهناك من هم اقوى من هؤلاء ومن القمنى بمليون مرة و انا سمعت للقمنى كثيرا … نغم هو ضد التراث ولكن كان لايجيد تلاوة ايات القرءان بطريقة صحيحة .. معناها انه كان يهاجم للهجوم فقط لان الذى ينقض التراث لابد ان ينطلق من قاعدة قرءانية قوية … الدكتور حسنى المتعافى بحق ازال الكل بفكره الراقى جدا و فى كل المجالات … وهذا لاينقص من مكانة سيد القمنى و الذى هو تراجع فى ايامه الاخيرة عن بعض مبادئه و انا سمعته فى لقاء تلفزيونى بانه يخاف على اسرته من الهمج .
ساعات اشوفه جبل وجبلاوي في زات نفسه… شجاع و مستنير… ساعات تانية باشوفه زي توم و ساعات جيري و ساعات جبان و ساعات شجاع ( توم و جيري بتوع زمان) لكن الاكيد انه من عظماء الزمان وانه ترك بصمة و شمعة نور.
فعلا القمني عظيم .. لروحه السلام .. ولك كل الاحترام والحب
حتى لو كان القمني لا يصل لهؤلاء القمم..تكفيه شجاعته فى طرح رأيه و الدفاع عنه و مواجهة كل الأخطار. شكرا على المقال البديع.
أنتم من اخيار رجالات مصر
و الله انت مدرسة يا شومان
اجمل جمله انت قلتها عن القمني هي ( لانه نقل التنوير من مستوي النخبه للشارع المصري ) فعلاً انا رأيت شباب يرددون كلام القمني بأقتناع و فهم عظيمين و هذا هو سر قوته و تفوقه علي التنويريين الاخرين هذا بخلاف انه صمد الي النهايه و لم يتراجع ، تحياتي لشخصك يا استاذنا و منطقك القوي و الرهيب في نفس الوقت
القمني ..رائع
هو ده التواضع الحقيقي
انت والقمني علمنج مش هتحسو بالايمان 😎
https://m.facebook.com/story.php?story_fbid=137612699195936&id=100088416180564&mibextid=Nif5oz
هو وصله لام محمد الشغالة ازاي؟
قرأت له أواخر السبعينيات والثمنيات ولم اسمع عن غيره فى ذلك الزمن ٠ اكيد مسيرته تدوم مادام يوجد تنوريين مثال حضرتك
فكر الناس متغيرش و متمش التأثير فيه . و الفكر مش حيسبب حاجة ، عامة الشعب افكارهم تبنوها مش بسبب اقتناع، بسبب الايحاء و بسبب أن الدولة مش عارفة توصل للطبقات الدنيا و الريفية فالملجاء الطائفية و بسبب طبيعة الاقتصاد البدائي .
علم النفس الاجتماعي بيقول : نظرية “جوهاسن هايت عقل وفيل عواطف” :”أن الناس مش بتغير فكرها غير بالتجربة يمشوا في طريق و بخبطوا في حيطة سد ..أو يلاقوا الرموز و القيادات بتاعتهم اللي بيمشوا وراهم قطيع بيغيروا من توجهم اما باقناع القيادات خلف الابواب المغلقة أو بالإبتزاز ”
التجربة هي الحل .. احيانا التجربة هي اللي بتصنع تغير زي السودان و إيران قريبا جدا ..و احيانا التجربة مش بتحوق ، امريكا فيها ولاية في الجنوب اسمها “الالباما” دي ” ولاية الكفتة و نظريات المؤمراة ” .
** اللامركزية هي الحل .. الفيدرالية .. إسكندرية و القاهرة الجديدة وجنوب سيناء و البحر الاحمر و الاسماعيلية تختلف عن الباقي عن الصعيد و الجيزة و كفر الشيخ و البحيرة .
فيه دولة زي الصين عندها هونج كونج منطقة حكم ذاتي .
ياريت تناقش قضية مدي صحة أن مصر مركزية و طبيعية اسكندرية عن باقي مصر و عن خروج الصعيد في مصر عن السيطرة بشكل دائم .
Ahmed Mohamed كلام جميل ومهم مع تحفظ جوهرى، وهو ان طبيعة الشعوب النهرية تختلف جذريا عن باقى الشعوب، هنا الصبر والاستكانة والخضوع للفرعون القوى، اما الإسكندرية فهى كما وصفها الرومان… الإسكندرية الملحقة بمصر، يعنى مش مصرية، اما الصعيد فهو مصيبة المصاءب، لأن محمد على ملكه للبدو عشان ينزلوا من الجبال ويبطلوا سرقة، وبالتالى اخد طباع البدو المختلفة كليا عنا، والحل مش فى اللامركزية اطلاقا، الحل فى فرعون من طينها زى عبد الناصر، أو عظيم زى محمد على.
يا سيدي نحن نحتاج علي الأقل إلي ٤٠ مليون مصري واع و متابع و متفق مع أراء و أفكار كل من ذكرتهم حتي لا نلجأ لخيار غير ديموقراطي ” الحكم للصفوة و ليس للأغلبية “
كلهم قامات تنويرية محترمة ولكن وجود الميديا الحديثة هى من ساعدت القمنى على الوصول إلى الشارع
انا فاكر يوم الصورة دي كان ابويا تعبان يومها في المستشفى وانت ودكتور القمني اتصلتوا بيا عاتبتوني عشان ما جيتلكمش في الساحل
الله يرحمهم الاتنيين ابويا والقمني ويديك الصحة يا محمد