إلى الحوثيين، أما بعد…..

إلى الحوثيين، أما بعد..

لا تصدقوا الحميري ولا عسيري. هم يحاولون اصطيادكم في تعز ودفعكم لاستنزاف كل مرتزقتكم وآلاتكم هناك، حتى يتسنى لهم اجتياح الجوف والبيضاء وصعدة، وربما صنعاء، بأقل قدر من الخسارة والمعاناة.

بليز اعقلوا، وروحوا استنوهم في صعدة والجوف ومأرب.
عسيري جاي لكم بمئات الدبابات والمدرعات والأباتشي وعاده يشتي كمان يتحارف عليكم وينزلكم تعز “يدخلوكم القصبة” عشان تهدوا باقي المدينة فوق أهلها.

المهم يا عيال المرة الوسخة،
لا تسمحولهمش يخدعوكم زي ما خدعوكم في عدن. مكنوكم بير احمد وراس عمران وطلعوا لكم من المعلا والتواهي. وطلع الجعنان تبعكم يقول كنتم في زيارة الأرحام.

الجماعة ناويين يستخدموا تعز مصيدة فيران لكم، لأنهم عارفيين إنكم مستحيل تستعيدوا حتى شبر من تعز لأسباب كثيرة أنتم عارفينها واحنا عارفينها وهم عارفينها.

ويشتوكم كمان تتورطوا أكثر في مهاجمة تعز عشان يفشخوكم متحررين من أي ضغط دولي، وعلى ضوء جرائمكم “المتوقعة” في تعز. هم متأكدون أنكم لن تحققوا انتصارات في تعز، بل سترتكبون جرائم.

لا يخدعوكمش زي ما عملوا معاكم من اسبوعين: طلع رئيس الوزراء يقول تعز بعد لحج،والسهم الذهبي وبتاع، ولقطوا عليكم عشر مديريات من إب في ثلاث ساعات إلا ربع. وانتم جالسين تتمخنثوا في الحوبان ودمنة خدير.

خليكم طالع ولا تصدقوهمش ولا تكملوا الجهال حقكم في الطريق بين تعز وصنعاء. أكثر من ثلاثين ألف قذيفة على تعز من بداية الحرب كفاية.

روحوا الآن واجهوا عسيري طالع وفي صعدة. المقرع حشد لكم جيش وترسانة تكفي لفتح عمورية مش بس صنعاء وصعدة. وانتم وحظوظكم..

المهم لا تصدقوش الحميري وترسلوا بقية العويلة حق بني حشيش للحوبان.
آه والله.

قال لك الحميري داري. والله إنه حتى هادي نفسه معندوش أي فكرة عن الحركة القادمة للتحالف، وإنه عرف بالقوات اللي دخلت مأرب من الفيس بوك، من الشباب الصيع اللي بالفيس. وهذي مش نكتة ع فكرة. كلمة مسؤول يمني كبير ترن في راسي من أمس:
حتى هادي مش عارف.

تصبحو ع خير

م. غ.

يمكنك دعم الموقع من هنا
مؤسسة ندى لحماية الفتيات