– انتشرت الصورة الجميلة دي للفنانة المصرية "أمينة خليل". مع خطيبها واللي على اليمين دي السيناريست "تامر حبيب". وكانت لابسة بكيني في صورة عادية قدام البحر. ولكن إزاي صورة زدي دي تعدي قدام الشعب المتدين بطبعه. بـ///ــلام ! لأ لازم يعينوا نفسهم حماة للفضيلة. ليه؟ لأنهم اتعودوا يمارسوا أي حاجة فيها حُب في الظلام .
– يعني خطيبها موافق ومتكلمش. وبيضحك بكل حُب عشان واثق في أمينة كويس. والصورة واضحة إن مفيش فيها أي حاجة جنسية __ الثقة في العلاقة لما تكون موجودة هتكون صورة زي دي عادية. أمينة ممثلة حُرة __ وخطيبها باين عليه إنه فاهم إنه متجوز كيان مستقل مش خدامة تخدمه وتخدم أهله .
– وصدقني مش شرط أبدًا إنك تحاول تمشي العالم كله على هواك ومعتقداتك وأفكارك. اللي لو بالنسبة ليك حقيقة مطلقة بالنسبة لغيرك ولا حاجة. فهرجع أقولك إنك مش محور للكون ورأيك محدش مهتم بيه. وممثلة زي أمينة. مش مستنية من حد زيك رأيه القبيح .
– فلو الصورة معجبتكش. غض بصرك يا عم. ولو عندك كلمة. قل خيراً أو أصمت ومتخلناش نسمع صوتك .. ولو شايف دي دياثة __ فمصطلح الدياثة ده مصطلح بيدل على بيئتك اللي ريحتها طافحة يا بائس . ❤️
أحمد عرفات | كاتب علماني
