من التاريخ المخفى ………………………


من التاريخ المخفى ……………………
كنا فى شتاء سنة 1977 ، وكان رغيف العيش بتعريفة، وتقف تنقى العيش، واللى يفضل بيسموه رجوع التلاتة بقرش، وقرص الطعمية بتعريفة، وشقة وطعمية بقرش، يعنى نص رغيف فيه قرص طعمية وسلاطة، والسيجارة السنسون بتعريفة، والكليوباترة العلبة ب 16 قرش ونص، وكيلو اللحمة ف البندر ب 90 قرش، وعندنا رطل اللحمة ب 35 قرش، والبيضة بقرش والست بيضات بشلن، وكف الحمصية أو السمسية أو صباع الملبن ب قرش، وبتعريفة شاى وبتعريفة سكر تعزم خمسة من أصحابك على خمس كبايات شاى معتبر، وام نبوت أشهر عاهرة فى القرية أجرتها تعريفة، صحيح هى عندها ييجى سبعين سنة بس مازالت مصرة على المضى على الدرب المقدس، هى بتبيع ترمس على شط الترعة، تروح تديها تعريفة تديك قرطاس ترمس، ولو غمزتلها بعينك تسيب القفص وتشدك تنزل بيك ف بطن الترعة وتاخد خلت أم نبوت ذات نفسها بدل قرطاس الترمس، كانت أيام بركة والله، وراحت أم نبوت وراحت معاها البركة………….
وفجأة الحكومة ترفع سعر رغيف العيش من تعريفة لقرش، والشاى والسكر و35 سلعة أساسية، الناس تتخص، تنزل مظاهرات فى الشوارع يوم 17 يناير تهتف ” سيد بيه ياسيد بيه، كيلو اللحمة بقى بجنيه”……….. ” هو بيلبس آخر موضة واحنا بنسكن عشرة ف أوضة”، والمظاهرات تمتد من اسكندرية لأسوان ويحرقوا أقسام البوليس ومديرية أمن القاهرة واستراحات الريس، وفى القاهرة يكسروا كباريهات ومحلات شارع الهرم ويسرقوا اللى فيها، وتنزل الجرايد تانى يوم الحكومة بتتراجع عن رفع الأسعار، والسادات يوصف اللى حصل بأنه ” إنتفاضة الحرامية”……….
بعد مجهود أعرف أتصل بالأستاذ عمر عطية مدير مدينة الطالبات ف الجيزة وبلدياتى، وينادى لى أختى المقيمة فى المدينة، خير يااختى إيه اللى بيحصل عندكوا؟ إحنا ممنوعين من النزول بس الشوارع مليانة ثوار وبيقولوا إنها إنتفاضة للحرامية.!!!
الجيش ينزل ويقبض على الآلاف والدنيا تهدى شوية، وكلنا نبقى عارفين إسمها ” إنتفاضة الحرامية، ويتحول 176 متهم لمحكمة أمن الدولة العليا، ويكون رئيسها المستشار حكيم منير صليب، وتكون المفاجأة إنه يطلع جميع المتهمين براءة، ويتهم حكومة السادات بأنها السبب، ويرفض تسمية إنتفاضة الحرامية، ويسميها ” إنتفاضة الخبز”، ومن يومها واحنا بنقول عليها إنتفاضة الخبز………
لما راجل واحد شريف من السكان الأصليين يغير بموقف نبيل من تاريخ بلد………………
الله يرحم المستشار صليب، ويرحم الشعب المصرى اللى عايش ميت …………………….


يمكنك دعم الموقع من هنا
مؤسسة ندى لحماية الفتيات

الوزير VS الرئيس…

الوزير VS الرئيس نحو «مجلس قومي للتنوير» #جريدة_الوطن #سحر_الجعارة أنا أتفق تماماً مع رؤية السيد الرئيس عبدالفتاح السيسى فى مطالبته الدائمة لقوى المجتمع المختلفة بإعادة

السلاليون اول وصـوليين في الاســــلام…

السلاليون اول وصـوليين في الاســــلام مـصـطـفـۍ مـحـمـود أثبت رسول الله خلال الدّعوة وبعد الانتصار، أنه من ذوي العزم الأشداء الذين يعتمدون على أنفسهم في بناء

تـــــهافــت البروفسيور احمـد الدغشــــــي…

تـــــهافــت البروفسيور احمـد الدغشــــــي مـصـطـفـۍ مـحـمـود يوم خاض الأقيال نقاشات مستفيضه بخصوص كتاب الأقيال للاستاذ الدكتور احمد الدغشي برغم اني تلقيت دعوة للمشاركه. من القيلين

كيف يقرأ #الكهنوت_الديني #القرآن وكيف يفهموه؟…

كيف يقرأ #الكهنوت_الديني #القرآن وكيف يفهموه؟ 🟢 يقرأونها (وَأُوحِىَ إِلَىَّ هَٰذَا ٱلْقُرْءَانُ لِأُنذِرَكُم بِهِ). 🔴 يفهمونها (وأوحي إلي هذا القرآن والأحاديث والإجماع والقياس والاتفاق لأنذركم