الصحة والتعليم أهم ألف مليون مرة من بناء دور العبادة سواء…


الصحة والتعليم أهم ألف مليون مرة من بناء دور العبادة سواء المساجد أو الكنائس، مؤمن ومُقتنع جدًا إن عمر ما كانت دور العبادة مُهمة في أساس أي دولة، لأن الدولة مش بتنهض وبتتقدم بالصلاة والدعاء ؛ بل بالجد والعمل والفكر البناء إللي يهمه مصلحة البلد ويحطها فوق أي إعتبار، وكل ده طبعًا لازمله ” صحة و تعليم ” إللي هما رقم واحد عند أي دولة ناجحة ومُتقدمة، عندنا في مصر آلاف المساجد والكنائس مش لاقيين إللي يدخل يصلي فيهم نقوم نبني تاني .. حرام شرعًا.
ولا مؤسسة دينية زي الأزهر الشريف ميزانيتها فوق الـ ٢٠ مليار جنيه سنويًا علشان يطلعوا شوية ناس تفتي وتتكلم في بديهيات الدين ويعرفوهم للناس بأنهم علماء وهما بكل صراحة عمرنا ما شوفنا أي إنجاز أو حاجة مفيدة عملوها، كل الفلوس دي حرام بجد تدفع في حاجات مالهاش أي تلاتين لازمة ومالهاش أي تأثير ولا ليها هيبقى تأثير سلبي، حرام برضه كاتدرائية تتبني تاني تكلف ملايين قد كده علشان تبقى في مكان بعيد نفرين تلاتة هما إللي يصلوا فيها، الدولة في عرض كل جنيه علشان تقدر تقوم على رجليها تاني وكله بفضل ربنا ورئيسها وحكومتها، المدارس محتاجة ومحتاجة ومحتاجة وكذلك الصحة نفس الوضع، التعليم وبناء أجيال وتربيتهم بفكر سوي وسليم أهم ألف مرة من بناء مسجد أو كنيسة، الأهتمام بصحة المواطنين أهم مليون مرة من بناء أي منشئات أخرى، ياريت نتعلم ونفهم إن الصحة والتعليم أهم مليون مرة عند ربنا من بناء شوية مساجد وكنائس، دور العبادة مش هتنفع حد وعمرها ما كانت سبب في تقدم أي أمة، الأمة التي تنتظر إستجاب الدعاء لن تتقدم أبدًا.

ربنا يحفظ بلدنا من كل شر ومن كل سوء ❤️
شُكرًا د. خالد Khaled Montaser
#أبانوب_فوزي


يمكنك دعم الموقع من هنا
مؤسسة ندى لحماية الفتيات

الوزير VS الرئيس…

الوزير VS الرئيس نحو «مجلس قومي للتنوير» #جريدة_الوطن #سحر_الجعارة أنا أتفق تماماً مع رؤية السيد الرئيس عبدالفتاح السيسى فى مطالبته الدائمة لقوى المجتمع المختلفة بإعادة

الشَعر كأداة تطويع – My Kali

بقلم: جنى نخال Hold Still by Hayv Kahraman – العمل الفني: هيف كهرمانهذا المقال من ملف ‘شعري يا شعري’ – هيكل العدد هنا وفاحم وارد يقبل

بلاااااااااااااغ للرأي العام

بلاااااااااااااغ للرأي العام تلقيت التهديدات اثناء زيارتي للمركزي من قيادات إدارته! ما لم أقله عن زيارتي للمركزي، وقيادات إدارته: الإستقبال كان بعيدًا عن أي ترحيب.

السلاليون اول وصـوليين في الاســــلام…

السلاليون اول وصـوليين في الاســــلام مـصـطـفـۍ مـحـمـود أثبت رسول الله خلال الدّعوة وبعد الانتصار، أنه من ذوي العزم الأشداء الذين يعتمدون على أنفسهم في بناء