سبحان الله رؤيا بتاريخها ما تعاطفت مع معتقل رأي ، أو مع قضية حقوقية ..
بكون مازوشي اللي ينسى أيام اعتصام المعلمين ، لما طلعت كاميراتها تصور مدارس فارغة تبكي على الطلاب اللي انحرموا من الدوام بسبب اعتصام المعلمين ..
فجأة صار مالكها معتقل رأي وضحية حرية التعبير!
طول عمرها الأردن فيها فقراء وفيها مظلومين ، مش بس بزمن الكورونا .. وتغطيتهم لقضية عمال المياومة والمتضررين ، نكاية بالحكومة واستفزاز إلها ..
وانو عملوا عملتهم ليرجعوا ع الساحة ، بعد ما قناة المملكة سحبت البساط من تحتهم ، وبعد ما السلطة راهنت على قناة المملكة ، و “حلقت” لرؤيا ..
مش ضحايا حرية تعبير ولا معتقلين رأي .. كل القصة كما تدين تدان ..
والدرس الوحيد المستفاد انو التحالف مع السلطة ما بدوم ، واللي يبيع الناس عشان الحكومة ، لما يوقع ما رح يلاقي حدا يبكي عليه.
هاشم العامر | كاتب
