هشام نوستيك
فكثير من الأحيان تايسرح الخيال ديالي مع فكرة الخلق المباشر (كن فيكون). كيفاش الإله تايقول شنو بغا وداكشي تايوقع. واخا ماشي ضروري يهدر نورمالمون، غير يتوكل على الله (على راسو) ويقضي غرض.
كاين مجموعة ديال المشاكل التقنية، مثلا المدة ديال الخلق. يلا القضية فيها غير "كون فاكا"، علاش ما يتخلقش كلشي فثانية؟ علاش احتاج ستة أيام كاملة؟ علاش تايحتاج مواد أولية (الرملة ديال آدم والضلع ديال حوا)؟
علاش خالق الآلاف ديال الكائنات وعارفهوم غا ينقارضو؟ علاش خالق 400.000 ألف نوع ديال الخنافس؟ تانتخيل الإله تايبرح: خنفوس رقم واحد كون! خنفوس رقم جوج كون!
وي وي عارف يمكن يكون قال: كونو 400.000 خنفوس! لكن علاش هاد العدد كامل؟
منين جاو الأنواع كاملة ديال الكائنات الحية بعد ما غرق لينا الشقف فطوفان نوح؟ واش عاود دار شي حصة ديال كون فاكا؟
