هاشم العامر | كنت بمعرض سيارات اليوم ، المهم قاعد بحكي وادردش مع مدير المعرض .. طلع اسمه

كنت بمعرض سيارات اليوم ، المهم قاعد بحكي وادردش مع مدير المعرض ..

طلع اسمه عيسى .. لا اراديا انبسطت .. قلت فرصة أعكسله صورة طيبة عن المـ///ــلمين ، بعد التعليقات "المقرفة" على صلاة الأحد ..

بحكيله تعرف أخ عيسى ، اقرب ديانتين على بعض الاـ///ــلام والمسيحية ، بكفي كل رموز المسيحيين مقدسين عنا ..

وقعدت أحكيلو انو بعيلتنا لحالها في نساء كثير ويقوم مريم وعيسى ..

وشرحتله انو الاغبياء بس اللي يعتقدوا الجنة محتكره لفئة معينة ، وفهمته كيف انو المعيار لدخول الجنة هو العمل الصالح والقلب المؤمن .. وهاي صفات تخلي الجنة للجميع مش لحدا معين ..

هون قاطعني عيسى وحسيته زعل وعصّب .. وحكالي ، شو قاعد تخبص؟ جنة شو اللي للجميع؟ الجنة بس للمـ///ــلمين ..

انا قلت ماله عيسى .. بعدين استوعبت انه مـ///ــلم واهله مسمينه عيسى ، وآخر اشي عرفت ان معرضه هو يستورد التكاسي للأردن ، فعذرته

هاشم العامر | كاتب