عم ينتشر فيديو من أطباء امريكيين بيهاجموا دكتور إسمه د. فاوتشي وبحكوا إنه هو إللي عامل "مؤامرة كورونا"، كون إللي بحكي أطباء أخذتهم بجدية بس ما قررت أصدق بدون ما أعمل بحث عن د. فاوتشي، عملت بحث بسيط واكتشفت إنه د. فاوتشي هو قائد محاربة الوباء في أمريكا وفي خلاف كبير بينه وبين دونالد ترامب عشانه بيعارض روايات دونالد ترامب تاعت مؤامرة وإلخ إلخ إلخ.
ما رح أحكيلكم مين تصدقوا، لكن إذا في حد حكالك إنه فيه أطباء مهمين بيهاجموا د.فاوتشي وبيحكوا إنه هو رأس المؤامرة، رد عليهم د. فاوتشي برضه طبيب مهم وشخص مهم وفيه مشاكل كبيرة بينه وبين ترامب.
واحكيلهم مين نصدق؟ أطباء بيدعموا نظرية ترامب إللي أخذ الموضوع بسخافة في البداية وتسبب بكارثة، ولا نصدق دكتور حذر من الاستخفاف بالموضوع وخالف ترامب؟؟
نيكولاس خوري | ناقد سياسي ساخر
