كتّابمفكرون

بمناسبة حكاية حلوي نادي الجزيرة…


بمناسبة حكاية حلوي نادي الجزيرة
بمناسبة حمي النفاق اللي مالية الدنيا النهاردة
بمناسبة تحرك أجهزة النظام، وزارة شباب والأمن والإفتاء والإعلام وغيره
قولولي الأول ؟
إحنا مجتمع أخلاقي واللا مجتمع عديم الأخلاق؟
إحنا مجتمع متدين بطبعه واللا مجتمع عديم الدين؟
ايه هي حدود الحرية الشخصية من وجهة نظركم؟
مش عايزين تثبتوا علي حاجة واحدة ليه؟
عارفين ليه؟
علشان احنا طول الوقت بنمثل
بنمثل ان عندنا أخلاق
وبنمثل ان احنا رحماء وطيبين
وبنمثل ان احنا بنحترم الحرية الشخصية
وبنمثل اننا متدينين.
وبنمثل إننا مؤدبين
ومادام بنمثل يبقي مش هي دي شخصيتنا الحقيقية
شخصيتنا الحقيقية إننا متلخبطين وضايعين
متلخبطين وضايعين ما بين القديم والجديد
مابين الخاص والعام
مابين الحاضر والماضي
مابين الحرية وفرض الوصاية علي الغير
مابين العادات والتقاليد وما بين اللي بنشوفه ونسمعه في العالم حوالينا
مابين اللي بنعمله في السر واللي بنعمله في العلن
مابين صورتنا الحقيقية وصورتنا اللي عايزين الناس يشوفوها
مابين الخوف اللي زرعه الشيوخ فينا وبين الإنطلاق والحرية اللي كلنا بنتمناها.
مابين الجنة وبين النار
احنا مش عارفين نحط حدود لنفسنا
لأننا مش عارفين نفرق بين الصح والغلط، وايه المقبول وإيه المرفوض، وايه اللي يصح واللي ما يصحش.
اتربينا كده، وحنفضل كده، وربينا ولادنا علي كده، وحيربوا ولادهم علي كده.
وحيفضل كل واحد فينا فاهم ان هو الصح، مع إن مافيش حد كده.
حنفضل كده لغاية مانعرف يعني ايه حرية شخصية، ونبطل نفاق, ونبطل نمثل.
#بالعقل_والهداوة

يمكنك دعم الموقع من هنا
مؤسسة ندى لحماية الفتيات

Sameer Zain-Elabideen سمير زين العابدين

خريج الكلية الحربية فبراير 1969, أعمل حاليا في النظر حولي وأشياء أخري, عقلي هو إمامي ورئيسي

اترك رد

زر الذهاب إلى الأعلى