بما إنه الآن في خطاب بالأردن إنه آه احنا أكيد متألمين على وضع المرأة بس ما بينفع تيجينا حركات غربية وتطالب بأساليب لا تناسب ضوابطنا الاجتماعية والدينية…
ماشي رح أمشي معاكم، فين البديل؟ وين المؤسسة إللي عم بتحارب من أجل المرأة بضوابط دينية واجتماعية وينها؟ وين إللي بيحارب عشان ما حد يحرم أم من إبنها؟ عشان الأم تعطي جنسيتها لابنها؟ عشان يحارب التحرش والاغتصاب؟ عشان يحارب التعنيف والقتل؟ عشان يمنع زواج القاصرات؟ عشان يحارب شركات بتشغلش محجبات أو بتشغلش مفرعات؟؟
وينهم؟؟؟
بدكم النساء الغاضبات يهدوا…
نيكولاس خوري | ناقد سياسي ساخر
