ايا سيدي رمضان اللي فات و قت الناس في ديارها أحنا نسلتو على زوز فرنك (ان شاء الله من لحمهم) بدينا فالبرايف في عرض الولادة للفنانة لبنى نعمان و زوجها المدعو مهدي شقرون و كانت المفاهمة انو نخلصو في حق التمارين نهار العرض و بعد 15يوم ناخذو فلوس العرض… الحاصل نهار العرض نستناو ساعة بعد العرض كيف كملنا و السيد عبقرينو زمانو كيما قال قاعد في loge يقسم في الفلوس كي الخضار (نقص 5dt و زيد 10 لهذا) كيف جيت باش نخلص عطاني بالناقص قتلو شنية ماتفاهمناش هكة جاوبني بلكنة سامارا (يللله غوالب صاحبي) هزيت فلوسي و مشيت لحاصل في ليم في غدوة تعدى عام ماخلصتش و نفيق اللي فما من (أصحابي) خلص و قاللهم ماتقولوش مشيت حكيت معاه قاللي وينك انت كي الرجال تضرب على حقها (الرجال لي يحكي عليهم سلخوه ب إبرة و سمعوه مايكره هاك مفهم الرجولية عندو و هاك علاش خلصهم) الحاصل قتلو شنشكي بيك قلي جملتو الشهيرة (جمعة تجيك فلوسك) قتلو باهي تعدات جمعة بعثتلو الحساب البنكي متاعي قالي باش تزيد تصبر و إجراءات و الوزارة الحاصل آنا دار بيا الدجاج بألوانو قتلو المحكمة بيناتنا يقوم يقللي فماش عقد عمل بيناتنا( الساقط اللي فيه يحكي) نجاوبو آنا نقللو عندي مايثبت تصاور العرض و les captures متع (أصحابي) لي خلصتهم و قتلهم ماتقولوش و مانيش دغفة يقوم يقلي حاشك "خويا"(يا خويا=كلمة الحشوة عند أغلب الموسيقيين) وفالأخير قالي واحد كيفك باش يمسخلي سمعتي نخدم عندي عشرة سنين، نحب نقلك الواحد كيفي يقعدك و يعطيك دروس في الموسيقى لي تعمل فيها (و دورات الوتر غالطين.. تنجم تراجع زهير قوجة ولي نعمتك اللي قلبتو زادة)
في الأخير الناس الكل تعرف يوسف وسلاتي شكون أخلاقا و موسيقى.
#الولادة #ولدت #الرجال #ماخلصت
#القانون #يجيبلي #حقي
مها جويني | كاتبة وناشطة نسوية
