مرة القمنى انهزم ادام الشيخ سالم عبد الجليل فى مناظرة قدمها طونى خليفة، والأصدقاء بيحبوا القمنى رقصوله على صفحاتهم، واسم الله عليه الفتوة بقوة القمنى المنتصر، قلت جايز أنا غلطان أو مش فاهم وراجعت المقابلة تانى، لقيت القمنى مهتز ومهزوم ومكسور ومنافق وجبان ورعديد وبيبوس جزمة الشيخ يسامحه لأنه حج مرتين- مش عارف ازاى- وبيحب أشرف خلق الله ومؤمن بعظمة القرآن ورسوله، طبعا التراجع دة تحت تهديد سالم إنه يكفره ويخرجه من الملة، ويبقى من حق أى عيل يخش الجنة برقبة القمنى…………….
ويعلم الله وعبد الجليل والمستمعين ومحمد شومان انه كاذب، رحت منزل فيديو كان شهير أيامها وأغضب الناس وقلت له إلبس جلابية واقعد ف بيتكم ” إتجمر” زى الحريم، لأنك فضحتنا وقللت من نفسك ومن العلمانيين، وحبايبى كلهم دخلوا شتمونى ودافعوا عن رمز منتصر رغم أنف شومان، وكان ردى على هجومهم على شخصى لصالح القمنى إنى سعيد بكدة، لأنهم بيثبتوا حبهم – بطريقتهم- لرمز وجبل ووتد مصرى.
تانى يوم القمنى نزل إعتذار وقال إنه فعلا انهزم ف المقابلة دى، بس أعذرونى لأن عندى ظروفى وأسبابى ماحدش يعرفها، ومانسيش يقول ولو انت راجل ياشومان إسترجل واطلع مع سالم عبد الجليل وقول اللى جواك………………
دة المفكر المحترم اللى بيحترم نفسه والناس، مش عيب إنى أنكسر تحت ضغوط معينة، العيب إنى أجادل واقول لأ دة أنا ألف عتريس ف بعض.!!!
فلترحم السماوات العظماء منا …………………………
يمكنك دعم الموقع من هنا
مؤسسة ندى لحماية الفتيات
الله يرحمه
الله يرحمه
حبيبي كان انسان بكل معانى الكلمة
Terror is horrible and we must understand our limitations as human beings no matter the perception of people about us. Mr. Qimny was human and intellectually honest. At the end of the day, you two were truly good friends
تجربة من سبق بتخليه يتراجع في مواقف معينة
انتم تعرفون الحق والحق يحرر …
دي ملكات وإمكانيات مش متوفرة في العلمانين
يا مولانا
لروحة الراحة والسلام
الله يرحمه كان رائع ومستنير لكن ماذا يفعل أمام شخص بلطجى وتيار عدواني متعجرف وجارف هددوه بالقتل هو وبناته
كان تحت تهديد وضغط واتصرف بحكمة بالغة
ونرجع نقول زواج عتريس من قادة باطل بشهادة أهل البلد
المشكلة في مصر يا صديقي هي التكفير على أبسط الأسباب. و هذا يقود الرعاع الى هدر الدم و القتل.
الغالبية العظمى من المصريين ناس بسيطة و طيبة و حسنة المعشر. لكن بمجرد تناول الاسلام و رموزه بالنقد حتى ينقلب الأمر الى النقيض.
التحية لك و لأهرام مصر و عظماءها.
و عند الله تلتقي الخصوم
لايهزم مفكر امام احد إنما يهزم أمام مخاوفه وبقايا تدويرات مجتمعية مترسبة داخله تجعل قفزات عقله مرتدة عليه .
ليس سيد القمني فقط جميع مفكري بلدنا مازالوا محتفظين بالأغلال فقط يجيدون التخبط في نفس الموضع .
رحم الله القمنى اشرف شرفاء مصر واعظم عظماؤها وعندنا بنقول اللى خلف مماتش راح القمنى وسلم الرايه لاشرف الرجال
انا شايف ان اي حد عاقل كان لازم بعمل اللي هو عمله والا زي ما انت قلت اي عيل ملوش لازمة هيدخل الجنة برقبته
اشمعنا سالم عبد الجليل طب ماهو وقف قصاد اللي اجدع منه؟ ولا هي ظروف خاصة بالفترة دي من حياته عموماً؟
ممكن رابط الحلقة
الافضل أنة كان يرفض المناظرة أو اللقاء
أكيد تم تهديده او تهديد عائلته
ف بعض المواقف الجري نص المرجله