عنجد لماذا يخجل الناس من سوق البالة؟
الناس لماذا يخجلون من سوق البالة؟
على أساس السوريين مش ناس
ثم لا البالة عيب ، ولا يعيب السوريين انهم يشتروا من البالة
والصحفي المر العتيق اللي عمل التقرير
كيف قدر يعرف انو اللي بالبالة سوريين
مكتوب عليهم سوريين؟
راح حكى معهم واحد واحد وسألهم؟
انا لحد الآن بشتري من الباله
كل الأردن حتى ميسورين الحال يروحوا ع البالة
البالة هي أكثر الاسواق ازدحاما قبل ييجي السوريين على الأردن
وطول عمر البالة مليانه والأردنيين ما بخجلوا يروحوها
تمام؟
بالنسبة للسوريين .. تقريبا وعلى حد معرفتي
ما في اردني يعيش بمحافظات الشمال
ما لبس من ملابس صنعتها المصانع السورية
دايما أسواق الرمثا تكتظ ببضاعة السوريين
يعني كان اولى بالصحفي الفذ
يسأل لماذا لا يوجد صناعة أردنية
مش سؤاله المليان غباء وعنصرية
المشكلة وقت سجنوا المسؤولين عن القناة
طلعوا مراهقين يبكوا على حرية الصحافة
يلا جاوبهم لماذا انت من الناس اللي تخجل من الذهاب للبالة
اللي السوريين اللي مش ناس ناس ما بخجلوا يشتروا منها؟
أرسل بريدا إلكترونيا 
