الكالتشيو والليجا
انتو فاكرين ان المقال ده عن الكورة؟
لا, خالص, احنا بارضو لسة فـ دراسات الهوية المصرية!
العنوان بحاول أشبه فيه بين عشاق الليجا الأسباني, اللي نقلو اهتمامهم مع رونالدو وميسي وصلاح لـ الكالتشيو الإيطالي والليجو الفرنساوي والبريميار ليج الإنجليزي!
ده بيحصل فـ التاريخ والبيزنس وتقريبن فـ حاجات كتير!
أكتر الناس بيبقو مع اللي يعرفوه ويحبوه, أما الحقيقة والعلم فـ محصورين فـ خاصة الخاصة!
– ايه بقا الحكاية؟
الموضوع عن اسم مصر
والحكاية ان اسم مصر فـ كتاباتنا القديمة, بالحروف الهيروجليفي والهيراطيقي والديموطيقي كان لها أكتر من اسم ووصف, أما المصريين بيوصفو بلدهم, بينهم وبين بعض, أو أما يضطرو يوصفوها للأجنبي!
شوف كده شوية أسامي منها, مع المعنا الحرفي لكل اسم:
• باقة = شجرة الزتون
• ادبوي/ ادفوي = الضفتين, ومنها “ادفو”
• تا-مري = أرض الحبيبة (ايزيس), ومنها “دميرة”
• طاوي = الأرضين, ومنها تصريفة “طوى”
• إستي/ إزتي = ست الكل, ومنها تصريفة “عزة”
• كمت = الأرض السودا (طين الزراعة) – الإسم الرسمي.
• جبت = السما نوت (مرات جب الأرض), ومنها (ايجبت).
• بياو = الشجرتين
• وادجت/ واجة/ وادة = عين حورس
• مس-رع = مولود الشمس (رع)
• ما-سا-رع = مكان ابن الشمس (رع)
دي بس أسامي وأوصاف مهمة, انما فيه أوصاف تانية كتير, منها أسامي للوجه القبلي (شمع), وأسامي للوجه البحري (محو).
نقف شوية عند اسمين أو تلاتة, اللي عليهم الشكل والخناق بين اللي معجبين بمسي ورونالدو وصلاح, واللي عشان خاطرهم بيسيبو الدوري الهولندي والألماني والروسي والياباني وأي دوري فـ الوجود عشان خاطر نجومهم المشهورة!
…………
– الدوري القبطي:: فيه الإسم (كمي), تصريفة من “كمت”, عشان كده جماهيرنا الكبيرة مش شايفين غير اسم النجم اللي عندهم, رغم انه اسم مهم وثابت فـ اتفاقية السلام بين المصريين والحيثيين!
– الدوري العربي:: فيه الإسم “مصر”, بالميم المكسورة, من “مس-رع”, اللي فـ اسم شهر “مسرا”, تصريفة من الإسم اللي ثابت بارضو فـ رسايل تل العمارنة!
– الدوري الشعبي المصري:: فيه الإسم “مصر” بالميم المفتوحة, تصريفة من “ما-سا-رع”, اللي ثابتة فـ انتصارات شاشنق!
………..
كلمة بقا فـ ودان كل حبايب الهوية المصرية, اعملو زاي الناس الحلوة اللي بتشجع الكورة الحلوة وبس!
منقول عن الأستاذ
Samy Harak
انتو فاكرين ان المقال ده عن الكورة؟
يمكنك دعم الموقع من هنا
مؤسسة ندى لحماية الفتيات
