النهاردة 28- 9 الذكرى ال 52 لوفاة جمال عبد الناصر…………
كنت طفل صغير قاعد على شباك بيتنا ف الجيزة، وادامى سور حديد وراه شارع خوفو، وأدامى الملايين فى طوفان لاينقطع شايلين نعوش وماشيين يلطموا ويصوتوا ورجالة قبل ستات تتمرمغ ف التراب، ويبدو إن أهل البيت خرجوا مع الجنازة وسابونى لوحدى مش عارف أنزل من ع الشباك وحاسس بجو الحزن والكآبة اللى غلف أرض وسما مصر.
فى نفس اليوم دة أبويا كان فى معتقلات عبد الناصر، وهو ماكنش من عشاقه الحقيقة، بس المعتقل مليان إخوان وشيوعيين ومثقفين وكتير من رجال النظام اللى اعتقلهم بعد النكسة، وكانت مظاهرة حزينة جوة المعتقل والكل بيلطم ويبكى على موت مصر، والكل حاسس باليتم بعد وفاة الأسطورة اللى كان أول مصرى يحكمها من الأسرة 21 الفرعونية، كان أبونا وابننا وربنا وأرضنا وسمانا ووطننا، كان الوطن مجسد فى شموخ رجل عظيم لايعرف الإنحناء، ومات الوطن.
النهاردة واحنا عايشين بنبيع الشرف والأرض والعرض والكرامة، نفتكرك يابو خالد، النهاردة واحنا بيحكمنا قزم بنفتكر عظمتك وشموخك يا آخر الأنبياء والمرسلين، النهاردة واحنا بنعمل مصر التجمع ومصر حوارى الجيزة نفتكر انحيازك للغلبان المصرى، النهاردة وهما بيعتقلونا عشان بنقول تيران وصنافير مصرية، بنفتكرك يابو خالد وانت بتقول تيران وصنافير مصرية زينا.
كنت ابننا وابونا وارضنا وسمانا، كنت حلمنا العنيد، كنت الوطن بتاعنا ياجمال.
فلترحمك السماوات يا أعز وأغلى الرجال………………………
يمكنك دعم الموقع من هنا
مؤسسة ندى لحماية الفتيات
عظيم المجد والاخطاء
رجل عظيم ولا احد معصوم من الخطأ بس أيامه كانت امان ومحبه لايوجد تعصب ولا خطف عكس الأيام ديه
فكرة الزعيم الخالد الموهوب هي سبب خراب و تاخر المنطقه بالكامل
كل بلد فيها هذا الزعيم الأوحد صاحب القدرات الخارقه
تلاقي هذا الخارق هو سبب نكبتها و خرابها
انا لا اتفق…
مش تيران وسنفير بس مصر كلها. من ١٤٠٠ سنه رجعين تاني عشان احنا علوج.
أبوه كان صعيدي وفهم قام طلعه ظابط
ظبط علي قدنا وعلي المزاج ظابط
صعيدي من جنسنا مالوش مره سابت
رحمك الله يا جمال من ولكن حي في قلوبنا وفي ربوع مصر
مصانع ومزارع فخور اني عشت في عصرك
ابوك كان في المعتقل !! اول مره تذكر هذا الأمر . هل ياتري بسبب اراءة السياسية
منور يا مولانا
الله يرحمه
ابويا قالى انه كان الشارع كله يقف على رجل يوم ما يطلع يقول لشعب خطبه الله يرحمه كان رجل محبوب وعظيم
ناصر…… كلمتين بس للي بيتكلم عن ناصر الماضي من منظور الحاضر…. لو الس ي سي اخد قرار ح رب ضد اثيوبيا الان اكيد هنمجده.. طيب ولو انهزم هنعمل ايه… فكروا شويه….. احيانا بتاخد قرار انك تحا رب.. ويبقي القرار في وقته صائب جدا… اما النصر او الهزيمه. فذلك شىئ اخر تماما
كلام جميل ورائع. بس علشان جمله واحده مش قادر اعيد النشر.
الف رحمة و نور عليه
نحن دائما ما نعشق جلادينا
‘لماذا كل هذا
أليس ناصر هو من دمر الاقتصاد القومي بحروب ليس منها طائل
دمر الجيش دمر الرقعه الزراعيه ويكفيه فخرا انه أنشأ جامعة الأزهر ذلك الديناصور الجاسم علي أنفاس البلاد دمر النسيج الوطني للبلد دمر التعليم
توبوا يا رمم يرحمكم الله