النهاردة الذكرى ال 71 لانقلاب قام به صغار ظباط الجيش المصرى على جلالة الملك فاروق الأول وارث الحكم من جدود على مدى قرن ونصف، لتنتهى عظمة مصر على يد ضباط لايفهمون فى السياسة ولا حتى فى الأصول.
الطريف فى الأمر أن الإنقلاب كان من رعاع رفعوا بها رعاع وقضوا على طبقة الأسياد، لنجد الرعاع أحفاد الرعاع اليوم يهاجمون الإنقلاب الذى رفعهم فوق أسيادهم ليصبح لهم حسابات على الفيس يهاجمون فيها الظباط المنقلبون والملك فى تخبط كوميدى لاتملك إلا احتقاره……….
دة من حيث الشكل، طب من حيث المضمون الثورة ليه نجحت وليه الملك تخلى عن الحكم بسهولة الأطفال، وليه الشعب أيد الإنقلاب وحوله لثورة شعبية، وليه احنا لابنكره ولابنحب الثورة إحنا بس بنقيمها بعقلانية مفكر بعيدا عن ضغوط الأسياد والعبيد؟
الثورة ليه نجحت؟ بسبب الجنون الجمعى، يعنى ايه الكلام الكبير دة؟
تخيل إنك راجل زى حالاتى بتقرف من الكورة واللعيبة والمشجعين، ورحت حضرت مباراة فى الإستاد، والجمهور متحمس وبيهيص ويشتم ويبكى، غصب عنك الحماسة دى هاتتنقل لك وتلاقى نفسك بتشتم ف الحكم الحمار وانت أصلا مش عارف الحكم من حارس المرمى، أو زى ماتخش الجامع وانت مش متوضى واتدبست ف الصلاة، وتلاقى الشيخ والمصلين بيدعوا ويبكوا، هتلاقى نفسك وانت مسيحى داخل بالصدفة بتبكى معاهم وتقول اللهم صلى ع النبى كمان .!!!
دة فى علم النفس اسمه الجنون الجمعى، يعنى شعب ” ظياط” بيجرى ورا أى مظاهرة وهو مش عارف دى مظاهرة سياسية ولاطابور جمعية، المهم يلاقى نفسه خروف فى وسط القطيع عشان يحس بالأمان الجمعى….. حلو؟
طب نحكى موقف معبر بكرره كل سنة للدلالة على كلامى.
كان ليا صديق فاضل ومهذب اسمه كمال غبريال، وبيننا صلة صداقة واتصالات طيبة، رغم إنه بيكره عبد الناصر بعنف وانا فى الفترة دى كنت ناصرى، لحد ماف يوم كتب بوست بيشتم عبد الناصر الحرامى الحشاش الخامورجى النسوانجى، ودى صفات أبعد ماتكون عن عبد الناصر، حتى لو بتكرهه عيب أوى تبقى عامل زى النسوان البلاية، دخلت له ع الخاص: هو حضرتك ياكمال بك حفيد باشا أو أقطاعى وعبد الناصر أمم أرضكم عشان كدة بتكرهه؟ رد بصدق: بالعكس دة انا أبويا راجل نجار فقير ولولا عبد الناصر ماكنت اتعلمت، أنا بكرهه عشان خاطر” مسر”، وكان ردى الطبيعى طب طالما انت ابوك نجار وامك خدامة يابن التيت تيت تيت، بتشتم فيه ليه ياحقير بدل ماتعمل له تمثال وتلحس جزمته ليل نهار؟ ………….. الغريب انه زعل منى مش عارف ليه؟
أهه الشعب المصرى كله كمال غبريال………………………
يمكنك دعم الموقع من هنا
مؤسسة ندى لحماية الفتيات
ليله لما الشعب صحي من النوم الصبح وقالوله مبروك يا شعب..انت عملت ثوره ..ونجحت كمان ،🤣🤣🤣
طب انت موافق للثوره ام معارض لها؟
اجمل شئ انك تقرأ الحقيقه من حد انت واثق فيه ❤صداقتك كنز حقيقي انا عن نفسي مقدره وبجنى منه معرفه وعلم كبير ربنا يحفظك لينا يا ارجل واشجع مثقف فى مصر 🇪🇬
انا كنت قريت كتاب سيكولجية الجماهير لغوستاف لوبون
كان بيقول ان مشاعر الجماهير حتي لو لم تكن متفق معاها فهي هنتقل ليك غصب عنك زي العدوي بالظبط و هتتأثر بيهم
حتي لو مختلف معاهم
تحياتي لحضرتك يارب تكون بخير
من يومهم ركبين الثورات
يعنى ازاى فترة الملك مقسمة فقط لأسياد وعبيد، أيامها كان فى ناس عايشة تمام وحالتها المادية كويسة وفيهم اللى بيتعلم وبيشتغل فى حكومة أو مشروع خاص وأغلب الناس كانوا فى قمة الشياكة ،وكان مستوى المعيشة كويس جدا.يعنى ممكن نقول كانوا من الطبقة فوق فوق متوسطة ايامها،دول جدودى ،يعنى لو قارنت بينهم وبين حالتنا حاليا لا هما حياتهم كانت افضل بمرااااحل وماكانوش اسياد بالمعنى المتعارف عليه فى فيلم رد قلبى
لسه واخداها سكرين شوت عن كتاب سيكولوجية الجماهير
لأول مرة نجد شعب نام ثم قام فوجد أنه قام بثورة. ياريت تقول الانقلاب العسكري المصري. لانه الأصح. . لكل أحد له ماله وعليه ماعليه الا هذا الرجل له عشرة في المائة. مجانية التعليم والسد العالي وبعض الاشياء الأخري ولكن عليه الكثير. التأميم للقناة. كان فاضل عشر سنوات لاستلامها كان ممكن جدا بدء التفاوض بدوؤ اللجوء لتأمينها !!! تأميم الأراضي لتوزيعها ادي لما الئ إليه اليوم من أن الأراضي غير مجدية فكان افضل أن لا توزع الا علي مؤسسات الزراعية للحكومة ولكنه فضل أخذ اصوات الشعب الكحيان لا الا يثوروا عليه بثورة حقيقية!!!. مجانية التعليم أدت إلي أن نكتب بدل مصر. مسر. اه واللهي . كان ثمن الجنيه المصري بثمانية وثلاثين دولار أصبح الان ثمن الدولار ثمانية وثلاثين جنيه. !!! كانت مصر تصل إلي أثيوبيا والسودان جزء منا واراضيها من افضل الأراضي الزراعية في العالم كله لأنها من طمي النيل أعطاهم استقلال وهمي وضاعت السودان وغزة أما النكسة فكلكم تعلمون أنه كان فنجري بق أما الغزوات الليلية للقبض علي الصالح والطالح والسجون وهلم جرا فلكم عليها ما تقولون
اعتقد ان الشعب قد تم تجهيزه لقبول عزل الملك بايهامه مره بان الملك هو الخليفه المنتظر ثم فجاءه واقعه تنصير امه واخته فكانت ولا ننسى اننا شعب متدروش بطبعه
كنا زمان : نحن فاروق الأول . دلوقتى إحنا مين يا أستاذ ؟ متقولش وحياتك !!!
وجمال اتعلم فى أنهى مدارس
وفى عصر مين ؟
والله يا مولانا انت مشكله بس مشكله 😂جميله جداااا
ربنا يزيدك
انا اكرهه لانه كان غبى و دكتاتور … و الغبى الدكتاتور ده فى حد ذاته مصيبة
كل الدول العربية إللي طردت ملوكها وعملت جمهوريات دكتاتورية إنهارت !
اي الحلاوة دي ياكبير مقال جميل جدا