إللي عمله الرئيس السيسي في ١٠ سنين بس لولا فضل الله الشاهد على أمانته وإخلاصه وصدقه ماكنش كفاه ٥٠ سنة علشان يتعمل ، لكن كانت ايد ربنا قبل ايد الكُل وهي إللي سندت وقوت وكملت ، ومصر بقيت حاجة تانية فعلًا والعالم كُله بيتحاكى بيها وبإنجازاتها ، والرئيس العظيم ده رد لمصر قيمتها ومكانتها إللي تستحقها في المنطقة كُلها بل أمام العالم أجمع ، ومصر بقيت قد الدنيا بجد زي ما وعد وقال ، وأجمل ما فيه أنه مش زي إللي سبقوه إللي كان مطنش ع الآخر وإللي كان مقضيها دعاء وكسل وتواكل لكن هو إللي غير الفكرة دي وقال إن علشان ربنا يبقى معانا لازم احنا إللي نشتغل ونعمر ونطور ونغير بلدنا للأحسن ، أصل إللي بيقضيها دعاء وهو قاعد حاطط ايده على خده عمره ما خد ولا هيخود خطوة لقدام ، علشان كده السيسي ده قائد ورئيس ناجح جدًا ماحدش يقدر ينكر ده إلا جاحد أعمى ناكر لأفضال الناس ومجهوداتهم وتعبهم ، شوفوا البلد كانت قبله ازاي ودلوقتي بقيت ازاي ، سيبوا الراجل يشتغل ويكمل ، ويبقى همنا بلدنا تبقى حاجة بدل ما كل همنا بقى الأكل والشرب ، عيب يعني وما يصحش بجد ، وبإذن الله هيجي يوم العالم كله هيدرس مصر .. كيف تقدمت وتغيرت وتطورت وأنتجت وعادت إلى أمجادها؟! ، تسلم يا ريس على كل إللي عملته وإللي بتعمله وإللي هتعمله ، وإللي مش فاهم النهاردة بكره إن شاء الله يفهم الرؤية والنظرة المستقبلية إللي خطط لها السيسي وإللي دعا عليه النهاردة هيدعيلوه بكره .. ربنا يكمل معاه ويسنده ويوفقه في إللي جاي ، وربنا يعدي بينا الأزمة دي على خير والأحوال تتغير وتتعدل وتبقى أفضل.
#أبانوب_فوزي
يمكنك دعم الموقع من هنا
مؤسسة ندى لحماية الفتيات
