– نشرت من كام يوم المغنية "نانسي عجرم". صور لبنتها إيلا اللي عندها 8 سنوات بأول "قربانة" .. وده طقس احتفالي في المسيحية مفيش فيه أي حاجة تخص المـ///ــلمين. ولكن دخل عندها قوم فاكرين ربنا خلق بس كل الناس زيهم وإنه مهداش سواهم وعلقوا على صورة الصليب وإن (الحمد لله على نعمة الإـ///ــلام. الحمد لله إن الله خلقنى مـ///ــلمين. أنتي وعائلتك في النار). فخليني كده احط ليهم أسس ومبادئ إنسانية يمكن جاهلين بيها :
- معتقداتك وافكارك مش دستور للعالم .. فرض أفكارك على الآخرين وقاحة مش شطارة ؛ مش إنجاز إنك تطلع مـ///ــلم أو تطلع مسيحي أو تطلع يهودي أو حتى لا ديني .. الإنجاز بس في علمك وأخلاقك والبصمة الجميلة اللي بتسيبها مكانك .
-
سخريتك من الأديان الأخرى مش دم خفيف. سخريتك من صورة الصليب أو الدين المسيحي شيء بينم على أفكار فيها تطرف رهيب. الله لم يخلق سواك. ولم يهدي سواك. الله خلق كل البشر وكل شخص منا بيعبده بطريقته … مش فاهم هو إيه الفكرة إنك تدخل تنطق الشهادتين عند حد مسيحي .. إيه الهبل ده يالا !؟
-
ويا ـ///ــلام :
-
لو تشوف صورة الصليب وتبارك لصحبك المسيحي وبعدين تخرج تروح للمسجد وتصلي في ـ///ــلام. وبعدين تروح تقعد مع صحبك اليهودي. اللي يخدك وتروح تقابلوا صاحبكم الرابع البوذي اللي قاعد مع قريبه اللا ديني وتشربوا في الكافيه وتتناقشوا بكل حُب. وكل واحد منكم يروح بيته في ـ///ــلام .. صعبة دي !؟
-
الله خلق ملايين البشر ___ باختلاف أفكارهم وميولهم مين أنت يالا عشان تشوف أفكارك ومعتقداتك دستور للعالم !؟
– مبروك وقربان سعيد يا إيلا . ❤️
أحمد عرفات | كاتب علماني
