– بنت إسمها داليا عمران … من مصر انتشر لها فيديو "بدون إذن منها". وهي بترقص فالناس تسكت؟ تسيبها في حالها؟ لأ إزاي. الفيديو تقريباً لف على جميع ذكوريين مصر والبنات اللي أفكارهم كلها استعباد. وتعليقات زي إنها (بتعرض نفسها قدام العريس) وزي (إزاي ترقص كده بدون حياء). وزي "إنها بتحاول تلفت نظر العريس قدام العروسة". تعليقات مفيش أي إنسان يقدر يتحملها .. في الآخر. طلعت داليا أخت العروس .. وتعليقها في الكومنتات أهو !!!!
– نفس البنات دي اللي كاتبين تعليقات وسخة على داليا. هما نفسهم اللي بيشتموني لما بدافع عن بنت قررت تقلع الحجاب أو اتكلمت عن د. نوال السعداوي مثلاً _ أو أخ قتل أخته في جريمة لاشرف. ودول نفسهم اللي أهلهم الذكور بيضربوهم في البيت ليل نهار. بس يا جماعة أه والله دول خطرهم كبير. زي الذكوريين. الذكوري بينفذ. ودول بيبرورا !!!
– هختم بحُب كبير ودعم لداليا مني ومن كل حُر. وجملة جت على بالي :
*الكراهية تشل الحياة. الحب يطلقها. الكراهية تربك الحياة .. والحب ينسقها. الكراهية تظلم الحياة .. والحب ينيرها*.
– كل الدعم يا جميلة . ❤️????
أحمد عرفات | كاتب علماني
