– دي دينا مراجيح. بنت بتنزل فيديهوات على تيك توك .. ما خصني فيها. بتغني تقريباً. صوتها حلو أو وحش .. ما خصني فيها بردو. لكن إن الناس تتنمر على شكلها. ده دوري بقى. إن الناس تأذيها الأذى ده. ده دوري. من وسط كل تعليق كويس. في 10 متنمرين على شكلها. فبصوا عشان الموضوع بقى بايخ الحقيقة. تعالوا اعلمكم كام بديهية من بديهيات حقوق الإنسان :
- مش من حقك تتنمر على شكل أو صوت أو طريقة حد. من حقك تنتقد المحتوى بتاعه. وطريقته في تقديم محتواه. من حقك تنتقد بشكل محترم طالما مش بيأذي اللي قدامك. بس إنك تتنمر على إنسانة بسيطة فرحانة إنها اتعمل لها ميك آب ده قُبح وبيخلق منك إنسان غير سوي .
-
مش من حقك تمارس تنمرك على العامة. التنمر لعنة. وأكثر حاجة مكروهة. التنمر قاتل. لولا علاج نفسي على مدار أشهر لي من "التنمر". بسبب "تلعثمي بالكلام". كنت رحلت. والحمد لله اختفى التلعثم للأبد .. صدقوني. التنمر بشع لأبعد درجة. بينهش في الجسد وبيخلي الإنسان يتمنى الموت. إياكم والرحمة مع المتنمرين. لأن كل يوم في شخص بينتحر بسبب ده !
- مفيش حاجة إسمها علاج التنمر. التنمر. غلط علاج التنمر الأصح. إننا نعالجهم بأننا نوريهم إن مفيش قبول لتنمرهم … مبدأ مواجهتك التنمر بالتنمر غلط. وغصب عنك هيصنع منك وحش وأنت لو شخص كويس. أكيد هتتغير. التنمر أكثر شيء بشع فقدنا بسببه ملايين من الأشخاص اللي كانوا مفروض يكونوا وسطنا .
- البنت بسيطة. عايزة تفرح. سيبوها تفرح بجسدها وشكلها .. انشروا قبحكم مع بعض. لكن سيبوا الناس في حالها. دعمي الكامل ليكي يا دينا . ❤️
أحمد عرفات | كاتب علماني
