- لاعب مصري ولاعب نادي الزمالك إسمه (شيكابالا). نزل صورة له هو ومراته وإبنه وحط ايموشن على وش ابنه زى ما ناس كتير بتعمل. بس علشان أحنا شعب متدين ومتنمر بطبعه وسافلين في خفة الدم. ومش بنقدر نفرق بين التنمر والقُبح والكوميديا .
- كل أنواع الحقارة في الكومنتات كانت من (عبيد الكورة والشعب المتنمر بطبعه). اللي من وسط كل حالتين انتحار هنلاقي حالة حصلت بسبب التنمر عليها. تعليقات همجية تكسر الخاطر. عبيد الكورة في مصر وفي أي دولة عربية وعالمية. من أحقر الفئات حرفياً اللي ممكن تتعاملوا معاها لأنهم لأ عندهم عقل ولا منطق. شوية دمى. اللي بيحركهم (التعصب والوساخة). اللي جواهم (الشر ونشر القُبح). دي حياتهم كلها مبنية على كده .
- إنسان سوي. منزل صورته هو ومراته. وهي لابسة بحُرية. ومخبين وش ابنهم في حركة عادية جداً. نسكت؟ نهدأ؟ لأ إزاي. لازم نحول الموضوع (لقُبح على مراته وإبنه). لقلة أدب بشكل اوفر .
- الفئات دي لازم يتقبض عليهم. لأن لو بصينا على حياتهم. هنلاقيها كلها كده .. (تنمر وقُبح ووساخة). مع أهلهم ومع أصحابهم. إيه علاقة حبك لفريقك بالقبح والوساخة؟ دي حجة منك عشان تقدر تطلع مرضك على الناس. ومهما عدت سنوات. هتفضلوا من أهم الكائنات اللي هنفضل نحاربها. لأنكم شر مطلق .
كل الدعم لشيكا وعائلته :") ❤️
أحمد عرفات | كاتب علماني
