– باراك آوباما. رئيس أقوى دولة في العالم (أمريكا). السابق نشر الصورة دي له مع زوجته (ميشيل). في عيد ميلادها مع تعليق (أنتي نجمتي. عيد ميلاد سعيد). بكل فخر وحب مع زوجته وحب حياته .
- على نفس الكوكب بقى. في بعض البشر بيخفوا صور (أمهم وأخواتهم وزوجاتهم والبنات اللي مرتبطين بيهم). ولما ندخل جوه دماغهم عشان نعرف السبب يكون ردهم الساذج "عشان دول شرفنا". أو "مش هكون راجل لو نشرت صورهم". أو "هو أنا ديوث ولا ايه".
-
كثير من الشباب في مصر والشرق الأوسط بيعملوا ده. ودي أكبر إساءة للإناث. لأنها بتحسسهم إن حبيبهم أو جوزهم مش فخور فيهم. أو ممكن البنت تفكر إنها مش حلوة وتفقد الثقة في نفسها وشكلها. طب تعالوا نعكس الموضوع. ونخلي البنت تخفي صورة حبيبها. إيه هيكون ردة فعله؟ أظن الإجابة عندكم .
-
عيب ننادي بأسم السيدات اللي بنحبها في الشارع وعيب نحضن ونبوس بعض. بس مش عيب نضرب السيدات. مش عيب نرمي زبالة في الشارع. مش عيب. نقول كلام قبيح في الشارع. ثقافة العيب عندنا (معدومة). وملهاش وجود اصلاً .
-
بتمنى. من كل سيدة تلاقي ذكر في حياتها بيعمل كده. تبعد عنه فوراً. لأن حرفياً الشخص اللي يخجل من إنه يفتخر بيها وبوجودها في حياته. أعتقد إنه مش هيكون إنسان سوي ولا مثالي في العلاقة وأن لازم البنات تفهم أن هو مش بيحميها هو بيحمي نفسه وافكاره الذكورية. وعشان يبان الواد الراجل أوي قدام كل أصحابه .
-
ياريت. كل اثنين بيحبوا بعض ينشروا صورهم بلا خوف وخجل. ويشاركونا أحسن لحظات بينهم. لأن حقيقي حياتنا وسط الأفكار دي. مفتقدة للحب وللبهجة في كل صورها .
– اتعلموا من السيد (باراك آوباما). إزاي تفتخروا بأحبائكم . ????♥️
أحمد عرفات | كاتب علماني
