الشيخ مبروك عطية اتحكم عليه بغرامة الف جنيه بتهمة ازدراء الدين المسيحى، والشيخ مبروك سواء كان داعية دينى او مهرج بتاع زينبو، فى الحالتين هو رجل مشهور وله جمهور من المتابعين يعد بالملايين، ومحسوب على قيادات الفكر الاسلامى، يعنى اى تصريح له ضد المسيحية هايكون ليه تاثير سىء ويؤدى الى توتر اتباع الدين الاخر، والبيه القاضى حكم عليه بالف جنيه، طبعا احنا عارفين ان القضاء المصرى شامخ ولاتعقيب على احكامه وحكمته، احنا هانحكى موقف تانى.
هى مفاجاة للمسيحيين قبل المسلمين، انا كمان اتحاكمت او ع الاقل تم اتهامى بازدراء المسيحية …..
الحكاية انى نشرت حديث للنبى محمد، دخل على زوجته السيدة خديجة وهى تحتضر، وبشرها انه هايتجوز معاها فى الجنية اسيا بنت مزاحم زوجة فرعون مصر، وكلثم اخت موسى، وماحدش يسالنى موسى مين اللى اخته كلثم، والتالتة هى العذراء مريم.
الحديث دة اكده الازهر بفتوى مشهورة، واكده الشيخ سالم عبد الجليل وكيل الازهر علنا فى التليفزيون المصرى، يعنى حديث معترف بيه من اكبر مؤسسة دينية اسلامية فى العالم .
احب اعرفكم بس ان قضايا امن الدولة مش بتعرف انت بتتحاكم باى تهمة، ولافيه ورق المحامى يصوره ويترافع بناء عليه، ولو وقفت ادام القاضى يتهمك مثلا بالانضمام للاخوان بينما انت مسيحى، وانا كمان ماكنتش اعرف تهمتى ايه لانها بتتجدد كل مرة، فين فى الشهر الخامس لقيت البيه الباشا المستشار معالى الوزير القاضى، ودى كلها القاب للقاضى دلوقتى، لقيته بيتهمنى بازدراء المسيحية، وكان قبلها قالوا انى متنصر، وقالوا شيعى وسلفى واخوانى وضد الدولة يعنى ضد السيسى وبنشر اخيار كاذبة إللى هى تيران وصنافير، وبالمرة رمونى بتهمة إزدراء المسيحية بالحديث بتاع النبى.
قلت للقاضى لا، لو هاتتهمنى بتهمة ازدراء المسيحية بناء على حديث ولو كان ضعيف للنبى محمد، يبقى المفروض واحد تانى يبقى معايا ف نفس الكلبش، واذا كان ناقل الكفر ليس بكافر، فمابالك بناقل الايمان.
طبعا لهجتى لم تكن بهذه القوة امام جلالة القاضى، دة انت بتحاول تستعطفه مش تتحداه، بس دة كان مضمون الكلام بكل ادب، فقالوا انك بتعمل فتنة بنشر الحديث دة لانه بيضايق المسيحيين، قلت لهم تعالوا بقى انتوا دخلتوا ملعبى ……
وهو المسيحى مش بيضايق وانت بتتهمه يوميا خمس مرات بانه من الضالين، وهو المسيحى مش بيضايق وهو مش قادر يمشى بكتابه المقدس فى شوارع بلده، وهو المسيحى مش بيضايق وهو عاجز عن بناء كنيسة ف بلده زى الجامع، هو المسيحى مش زعلان وهو مايقدرش يصلح شطاف التواليت بتاع الكاتدرائية الا باذن من رئيس الجمهورية ……
واذا كنا مش هاننشر حديث بيضايق المسيحى، يبقى بلاش حديث اطردوا اليهود والنصارى من جزيرة العرب، وبلاش مئات الاحاديث اللى بتكفرهم، وبلاش ايات القران اللى بتقول عليهم نصا لقد كفر الذين قالوا …….. الخ
طب والنتيجة ؟
بعد ماسجنونى ٢٢٢ يوم، خرجت بكفالة خمسين الف جنيه على ذمة القضية ….. ويخرج مبروك عطية بدون قضية بعد ما دفع الف جنيه غرامة، وهو اللى بيسخر من اله المسيحيين عشان راجل فكهى وابن نكتة، مش ناقل حديث.
نحن لانعترض على احكام القضاء الشامخ، بل نبكى على وطن كنا ملوكه واغتصبه منا الرعاع والسفلة …….
يمكنك دعم الموقع من هنا
مؤسسة ندى لحماية الفتيات
ربنا هياخد حقه بنفسه
ربنا يرحم عدل والقضاء
داوود النبي صرخ قائلاً
حقى عندك يا الله
ربنا موجود
فعلا يا مولانا كلام في الصميم اخجلتنا بدفاعك عنا ونحن ننكس رؤوسنا في الرمال لقد خذلنا ابنائنا حين سكتنا عن حقنا لقد خذلنا بلدنا حين خنعنا بالذل والهوان والعار والخزي لكن ما الحل يا مولانا أمام ذلك الديناصور الجاسم علي أنفاس البلاد لكن الأمل معقود علي حضرتك وأمثالك في توعيه الناس او حتي علي الأقل انك حركت المياه الراكدة
دمت بصحه جيدة
تقصد القضاء الشاخخ
..
يارب مد ايدك
لنا ولكم الله ياعزيزي .
ربناموجود
سيادة القاضى البيه الوزير كان شارب ……..قبل ما يروح المحكمه علشان كده كان الحكم مغ……..
(حكم القوي علي الضعيف) المثل ده بالضبط منطبق علي القضاء في مصر. مفر وض يكون ده شعار العدل بدل العدالة العمياء
ربنا موجود
كلامك صح
ربنا موجود
نثق فى إلهنا اللى هايحاسب كل واحد على أفعاله لكن لكل شيىء تحت السماء وقت .فى العالم سيكون لكم ضيق ولكن ثقوا أنا قد غلبت العالم 🤲🙏
مفيش فايده
أصبت فى كل ماقلت إلا وآحده بقولكم إن عندك قضاء شامخ باى اماره يامحترم
السيد المسيح قال مملكتي ليست من هذا العالم ونحن نتبع مسيحنا فنحن مملكتنا ليست من هذا العالم
و كمان حكاية المدرسه دميانه
اذا غابت العدالة الارضية فهناك عدالة السماء ننتظرها
ربنا موجود
ربنا موجود يتصرف ويحكم للمظلومين
ربنا معاك و يحفظك
اصبر شويه . شوف ربك ح يعمل ايه فى هذا المبروك عطية .
يدافع عنكم وانتم صامتون ومخيف هو الوقوع في يد الله ربنا موجود وهو الحاكم العادل وعداله السماء اهم شئ ياريت نتكلم في الانتماء للوطن والبعد عن النعرات الدينيه وربنا هو اللى بيحاسب كل واحد حسب عمله
رغم ان هذا المدعو الشيخ مبر وك عطية الكل يعلم انه مجرد رقاصة ولكنه فى نفس الوقت محسوب على الشيوخ
الهنا سامح الذين صلبوه وقال ياابتاه اغفر لهم لأنهم لا يعلمون ماذا يفعلون
ده كفايه انهم بيقلدو مبروك عطيه علي النت وبهتاهزو بيه ومن طريقطه اصبور ربنا هياخد حقنا وحق كل مظلوم
يا اخي نحنو في دوله فاسده
عدل الله قادم مهما طال الزمان انتظرو عمل الله قريبا
ربنا موجود وشايف
احكم يارب للمظلومين
ضاع العدل ومات الحق وماتت المواطنة وسقط الانسان والإنسانية ونجحت العنصريه .
للاسف
ربنا موجود
مخوف هو الوقوع في يدي الله الحي .يسكت ولكن لاتعلم ما انا فاعل ليس لهذا الشيخ فقط إنما للقاضي أيضا. لان الكتاب المقدس قال لاتبرا مزنبا ولا تزنب برئيا . الهنا قاضي عادل في الوقت الذي ضاع فية العدال علي الارض.
القضاء كله سلفي متطرف