بنت محجبة عندها ١٨ سنة فى اولى كلية طب، يعنى طالبة متفوقة، نشرت على الفيس بتاعها انها رافضة جنة الدعارة الاسلامية، ليه يابنتى جنة دعارة وانتى مسلمة محجبة ؟
البنت قالت إنها زى ملايين المصريات مجبرة ع الحجاب بحكم ضغط المجتمع، ورافضة للجنة لانها للرجال فقط.
الحقيقة البنت مظلومة جدا فى الجنة، فالنساء أكثر أهل النار، ولو دخلت الجنة هتلاقى اللفندى بتاعها بينكح ٧١ حورية، وهى واقفة ف الطابور مستنية دورها فى النكاح الحلال رقم ٧٢ ، وهى زى اى انثى طبيعية عايزة راجل واحد ليها وحدها، قالوا ماهو رب المسلمين بينزع الغيرة من قلبها، ولو، برضه هى جارية من جوارى اللفندى جوزها إللى بعد ما يخلص على قبيلة النساء من حقه يطلب شوية ولدان مخلدون شكلهم زى اللؤلؤ المستخبى ومابيطلعش غير للعاشق لجمال الغلمان، وقيل مكنون او مستخبى عن عيون العشاق حتى لا يغير عليه حبيبه المؤمن .
الجامعة حققت مع البنت إللى عبرت عن رايها، واستلمها جهاز الأمن الوطنى عشان يقنعها بالرجوع عن طريق الشيطان، وطالما لبستى الحجاب مرغمة، يبقى تحبى الجنة مرغمة برضه، أو حتى مثلى انك مقتنعة زى باقى نسوان المسلمين.
كنت فى حوار مع مولانا القمنى عن الجنة، وأظن الكل عرف ان القمنى ملحد عريق فى الالحاد، وانا صوفى عاشق لله، فقلت له طب يا مولانا هب جدلا او افرض مثلا رحت هناك ولقيت اله، هاتعمل ايه ف الورطة دى ؟
قال لى هاقول له بكل بساطة انت الغلطان إللى اديتنى عقل ماعرفش يوصل لك، لأن الدليل على وجودك اقل من الدليل على غيابك، و عقلى اختار انك مش موجود، وانت إللى وهبتنى العقل دة، يبقى لازم تعتذر لى وتدخلنى الجنة……
ويكمل القمنى… بس انا مش عايز جنة المسيحيين إللى تفضل تبص ف وش الرب للابد، دة ايه الملل دة، ولا عايز جنة المسلمين إللى شبه شقة الدعارة، فيها اتنين وسبعين غانية للمتعة الجنسية، وفيها عيال صغيرين لو انت بدوى من عشاق الاطفال ،، وانا لا عايز بيت دعارة، ولايلزمنى غلام امرد ناعم الدقن حتى لو كان زى اللؤلؤ من فرط جماله، ولا عايز اشرب خمرة والمزة تبقى نهر عسل، هى الخمرة بيمزوا معاها بالعسل؟.
انا هاطلب من المسؤل هناك يودينى مكتبة الاله، واعرف أسرار الكون والبداية والنهاية، واقارن بين قصة الخلق الإلهية وبين النظريات العلمية البشرية، واطلب ورقة وقلم وامارس شغلى ومتعتى فى الكتابة لسكان المجرات الأخرى، دى الجنة إللى بحلم بيها ياشومان، كتب و معاها ورقة وقلم، بس كدة بكل بساطة .
مش انتى لوحدك يامى يابنيتى المظلومة المقهورة الرافضة، إشراف الرجال برضه رافضين إللى بترفضيه، بس انتى بنت وضعيفة ومش هتلاقى راجل يقف جنبك، لأننا ماعندناش رجالة.
قلبى معاكى يابنيتى، وهو تعاطف العجزة، وكلنا عجزة ياصغيرتى.
يمكنك دعم الموقع من هنا
مؤسسة ندى لحماية الفتيات
البنت عندها عبقرية كاتب كبير ومتمرس لدرجة أنها لخصت الحكاية كلها في 20 كلمة رغم ان غيرها كتب فيها كتب
صباح الفل .. عملت بوست عنها بس بشكل مؤدب 🙂
على فكرة هى على صفحتها كما توقعت فى البوست ال انا عملته انها هتضطر تنفى كلامها .. وفوجئت ان ده حصل فعلا وعملت بوست تقول ان صفحتها مسروقة وانها بتحب دينها الخ الخ … وكده ارتاحت نفوسهم
ياريت تفهمني وتعرفني وتنورني يااستاذنا .. المرحوم القمني كفر والحد بسبب الكتب ولكن ايه رأيه في الكون ونظامه وجسم الانسان وعبقريه نظامه وهو المتنور الذكي الذي لايفوت عنه شئ كهذا ..افهم انك تلحد بالكتب بما بها من اشياء لايعقلها عاقل بعقل اليوم وهنا حدث ولا حرج لكن لو جينا للواقع بدون كتب سماويه هنا نقف ونفكر لا هناك من خلق ونظم هناك من اوجدنا هناك شئ من الازل والى الابد هناك خالد لايموت ولايولد ..ازاي واحد زي القمني بعبقريته لم يصل لشئ كهذا ؟فهمني وجهه نظره لو سمحت ولعل كلام حضرتك يبقى في بوست يسجل ويوثق لتاريخ الرجل بما ان حضرنك كنت من المقربين جدا له
Haider Hafez بعيدا عن تحقير نيتشة للمراة، اكتشفت مؤخرا أن جميع الفلاسفة من اليونان القديمة لحد نيتشة بيحقروا المراة، وبلااستثناء واحد، ولو اضفنا الأديان والعرف والتقاليد، لادركنا كم الظلم الواقع عليها، انا اب لبنتين يادكتورنا، وبالتالى اجدنى فى صف النساء رغم خطاياهن، واجدنى متعاطفا وبشدة مع سجينة رأى مهما كان هذا الراى، يا سيدى للبيت رب يحميه وليس جهاز أمن الدولة، أما بالنسبة لكون النبى محمد فوق النقد، فلماذا نستمتع بنيتشة وهو يهين المسيح علنا ويصبح ضد المسيح دون أن يطالب أحدا بقتله.
رائع يا مولانا تحياتي لك
Hayder Ali
ادخل وابحث عن اسمها زي ماانا عملت دلوقتي ..ولاد الو٧خه منزلين رقم تليفونها واسم امها وجامعتها وكل شئ عنها يعني تحريض صريح بالقتل …ربنا يستر عليها ديه جامعتها بسيناء
وهل يحتاج الأسد لمن يحمي عرينه؟
رد القمني عالي
لكن ماتفسيرك للجنه الاسلاميه ؟ وبصراحه كل ده بسبب غموض مابعد الموت جعلت من الكل يختلف ويعيش براحته وخياله في الجنه
ربنا يتولاها برحمتة.
كلام كبير كالعاده
البنت دى شجاعة و واضحة و قالت كلام الاصول ..
الاصول اللى مليار و نص مخلوق يتجه نحو مكة يوميا ما يعرفهاش
https://www.facebook.com/100082024657808/posts/171622095581945/?mibextid=Nif5oz
مقولتش اية رايك فى كلام طالبة الطب يا استاذ شومان
حرية الرأى مكفوله طلما ظلت حبيسه النفس
بقولك ايه .. يااستاذ شومان
انا عندي 56 سنه .. وطلع تلاته ديك امي م التفكير ف موضوع الأديان ده من ونا عندي حوالي 13سنه
وفاكر كلمه قالها ابويا بالصدفه .. ومش عارف هوا كان قاصدها ولاانا اللي خدتها وحللتها كده
* شغل عقلك لغاية ما توصل لربنا واماتوصل لدينك .. فرمل واعمل ستوب .. أما تفتح باب دينك حط عقلك بره ع الباب واركنو *
وبقولك ايه .. اتاخر وخدني جنبك انا زيك بحب الإنسان اللي بيميل للصوفيه وحب الله
عادت الفاشية بقوة في عصر العولمة وباتت الدول الديمقراطية المنتصرة في الحرب العالمية الثانية مهدده بالفاشية مجددا داخليًا وخارجيًا ونحن وثورتنا جزء من هذا الصراع وعلينا حسم خياراتنا بكل قوة،الصراع ليس مع الدين لا الفاشية سواء الدينبة والعسكرية
بعد اذن حضرتك ماهي الصوفيه ومدي ارتباطها بالله و ع اي اساس موثق عقلي الهي نعتمد الصوفيه احدي طرق التواصل مع الله
و كلنا عجزة…
أجمل ما قرأت من فتاة مصرية من عشرين سنة
لا نملك ما نقدمه لمي إلا الدعاء بلا طائل
مقال يناقش العقل ويستحق التفكير العقلانى فيما يطرحة من افكار
دة حصل قريبا ؟
طب لو اي حد عبر عن راية دة ،
هيعملو كدة معاة ؟
ولا عشن دي لسة طالبة ؟
دعوة للتفكير اه قريب والموضوع شغال اليومين دول، ولو اتخن تخين عبر عن رايه هايتسجن، امال انا اتسجنت ليه ؟
للاسف كلنا عجزه ……..مؤلمه ولكنها الحقيقه حتى نستطيع فى يوم اغلاق الازهر ومعاهده الارهابيه المدمره للعقل
عزيزي مولانا لقد اقتنعت اقتناعا تاما بإن لا توجد لا جنه ولا نار فتلك هيا أشياء رمزيه فقط ولا توجد طبعا هذا يسبب صدمة للمؤمن الذي يعمل جاهدا في حصد وجمع حسنات حتي يستمتع بالجنس في الجنه وأيضا حين يدعو علي المختلف عنه في العقيدة اخي الكريم الجنه موجودة علي الارض عيش حياتك وتمتع بكل لحظه لاننا فانون ماضون الي العدم ولن تكون لنا ذكري
محبتي الدائمة لحضرتك بعمر طويل وأيام سعيده
البنت دى اجدع بنت فى مصر لأنها باحت بما تعتقدة بدون خوف أو تردد سواء اتفقت مع ما قالته او اختلفت معه فحريه التعبير وحريه الاعتقاد وحريه البوح هى أثمن الاشياء
سيناريو شريف جابر يعاد بكافه التفاصيل ،للأسف طريقه الأرهاب الفكري لم تعد تأتي ثمارها في ظل عالم السوشيال .أما بالنسبة للمجتمع و الدين ،فالأيمان شخصي قلبي و مجتمعنا حوله لمظهري استعراضي.أسوأ الناس حظًا .. الصادقون في المجتمعات الكاذبة .
– فولتير
هى مخطئة وعذرها أنها صغيرة
كان يجب عليها عدم ذكر إسمها
مستقبلها ضاع ألف خسارة
مولانا كنت عايز أسألك عن الحديث الذي ذكرته (أسفروا فإن الأسفار من الإسلام) وقد اشرتم بضعفه(الحديث) . لكن بعد أن بحثت عنه لم أجده بين الأحاديث بمختلف درجاتها 👍❤️
مبروك عليها اللجوء الديني في اي دولة محترمة
طيب ليه تظلم جنة المسيحيين معاك؟ مين قال إن الموضوع ملل وبص فى وحه واحد للأبد؟ ألم تقرأ كلمات بولس فى إصحاح المحبة الشهير:
“فَإِنَّنَا نَنْظُرُ ٱلْآنَ فِي مِرْآةٍ، فِي لُغْزٍ، لَكِنْ حِينَئِذٍ وَجْهًا لِوَجْهٍ. ٱلْآنَ أَعْرِفُ بَعْضَ ٱلْمَعْرِفَةِ، لَكِنْ حِينَئِذٍ سَأَعْرِفُ كَمَا عُرِفْتُ.”
كُورِنْثُوسَ ٱلأُولَى 13:12
بولس ايضا كان مفكرا وان لم تتفق معه كما قرأنا لك فى مقالات سابقة. لكن فى الابدية سيكون هناك كشف للمستورات الأزلية ومعرفة وإستنارة. أعتقد لو علم القمنى بهذا اليعد لتمناها! وهى لا تدعى جنة بل تدعى حياة أبدية. وهذا أحد أبعادها لعدم الإطالةر وللتركيز على موضوع البوست
مش عاوز تدخل الجنة تركب حوريات ووصيفات الحوريات وغلمان ؟!!
المسلم قبل الموت يعيش على أمل انة سيفوز ب اثنين وسبعون حورية وبعد الموت لا يوجد شىء اسمه الجنة ولا اثنين وسبعون حورية وهذ هو العزاب الابدى الذى ليس لة نهاية لان الزمن سيتوقف بعد الموت وفى الآخرة لايزوجون ولا يتزوجون بل سيكونون كملائكة اللة فى حياة التسبيح الدائم الى ملا نهاية وهذ هو جزاء من عاشوا على رجاء القيامة
منشورك في حد ذاته دعم وليس تعاطف
أحيي تلك الفتاة الرائعة الذكية الشجاعة التي أبدت رأياً صحيح كل الصحة فيما تتبعه مرغمة
كلنا أصبحنا عجزة مبقاش مسموح حتى تتألم ولا تقول كفاية من حقنا حتى نقول ونعبر بدون ما نخاف
احسنت القول وصدقت الكلام نحن عجزه مجبورون علي ما لانحب ولانقبل به عقلا وفكرا
لما حد بيتكلم عن اللى بيعملوه فى عقول الناس بيقيموا عليه
😔😔😔😔
قلبي معاها ربنا يسترها عليها