يقال أن مصر كانت طبقية قبل الثورة، أو كما قالوا مجتمع النصف…

يقال أن مصر كانت طبقية قبل الثورة، أو كما قالوا مجتمع النصف فى المائة، بينما باقى الشعب يعيش الفقر والذل والمرض والحفاء، والنتيجة إن الثورة صلحت الوضع المايل وساوت بين الناس، وأخدت من الأغنياء وأعطت للفقراء وحققت عدل عمر بن الخطاب على أرضنا المحروسة…………. الكلام دة صحيح؟
قبل مانجاوب تعالى يا صديقى وقل لى رأيك فى فكر السيد جمال مبارك الإقتصادى، واضح طبعا إنه كان منحاز لطبقة المليونيرات ورجال الأعمال الكبار وبيديهم تسهيلات وقروض وأراضى بأسعار رمزية، هل هو فاسد ومدمر؟
الحقيقة يا ولدى إن مصر كانت طبقية فعلا قبل الثورة، وكان رجال الأعمال رجال صناعة مش توكيلات تجارية وسمسرة وبورصة مضروبة واستيراد وتصدير مصاصات ولبان، كنا دولة منتجة ومصدرة وتنافس العالم على الأقل فى المنتجات الزراعية، وكان حوالى 15 % من الشعب بيعيش فى رخاء، وبيعول 85 % من الكسلة والعجزة وعديمى الجدوى من المطحونين والكسالى، وبالتالى مكانهم فى الأعمال الخدمية والدنيا لأنهم بلاموهبة، وفى نفس الوقت مصر أجمل وأشيك وأنضف مدن العالم لما كان الفلاح بيدخلها بتصريح عشان يخدم أسياده ويمشى وهو تابع لقوانين السادة مش عرف العبيد.
طب ايه علاقة دة بجمال مبارك؟ جمال كان ماشى على نفس النهج، بيشجع الموهوبين ورجال الأعمال الحقيقيين عشان يعملوا مصانع ومدن جديدة يشغلوا فيها الكسلة والخاملين والمهمشين، وإلا نبقى زى عصر عبد الناصر ونساوى بين عيل فاشل وبين رجل أعمال عبقرى، هاتساوى ازاى بين ساويرس وحماصة سميرة؟
دة كان نفس عدل عمر بن الخطاب، أخد خيرنا واداه لبدو الخراب الكسالى اللى مالهمش لازمة أصلا فى الحياة، وكان البدوى منهم ينام على بطنه لحد ماتيجى القافلة من العراق ومصر ويروح عمر من كتر الخيرات يديهم الجمل بماحمل- دى حقيقة مش جملة بلاغية- ، كان بيديهم الجمل بحمولته من عرق جدودنا الشقيانين…………….
هو دة العدل بتاعكم؟ تسرقنى وتدى للفشلة والكسالى؟
توبوا- يارمم- خربتوها …………………

يمكنك دعم الموقع من هنا
مؤسسة ندى لحماية الفتيات