هشام نوستيك
حسب الممرضين للي تايخدمو مع المرضى الميؤوس من شفائهم وتايتسناو الموت فأي لحظة، أكثر جوج حاجات تايندمو عليها هي أولا أنهم ما دوزوش وقت أكبر مع حبابهم، وثانيا أنهم ما تهلاوش فصحتهم.
هاد الثانية مرتابطة بالاولى. الاهتمام بالصحة تايعطي للانسان فرصة اكبر انه يعيش مدة أطول وبصحة أفضل، يعني وقت إضافي مع حبابو.
حاول تحيد احتمال الندم على هادشي ودير صحتك هي الاولوية رقم واحد فحياتك.
هذا ما تايعنيش أنك ما غا تندم على والو في فراش الموت. موجود الخير: عقلتي شحال عضيتي من حجرة سوبيرلوكس بسنانك، ودخلتي لذاتك السم، باش تحلب منها طاقة إضافية؟
