هذا التعليق من موقع “الحجاب ليس فريضة”… شوفوا مأساة هذه الفتاة الصغيرة والضغوط اللا انسانية التى تمارس عليها.. وبعد كدة الكذابين السفلة يقولوا: مفيش اى ضغط او اجبار او اكراه على ارتداء الحجاب… كل اللى لابسين الحجاب لابسينه عن طيب خاطر واقتناع:::::::::
انا عندي 16 سنه وقلعت الحجاب من اكتر من شهرين ومامتي شايفاني كفرت وفاسقه وفاجره رغم ان انا اصلا لبسي محتشم .واختي لسه جيا من السفر بتعاملني اسوأ معامله بسبب مامتي وبتقولي مش هخرج معاكي وانتي بشعرك ومش عايزاني انزل اي مكان
حقيقي انا بكره كل الي حوليا انا دايما بساعدها وبعملها كل حاجه وبقف جمبها وده جزائي! رغم انها كانت هتموت وتقلع الحجاب لكن مكنتش بنفس اصراري ف اهلي قدرو يتحكموا فيها هما بيحاولو يضغطو عليا حتى مامتي قالتلي مره بس البسيه انزلي حتى لو هتجيبي ي حاجه من البقاله دلوقتي عايزاني البسه تاني وخلاص محدش حاسس بيا حقيقي بقيت بكرههم
كلهم دايما كانو يحلفو بشعري واني شعري هو اجمل شعر فالعيله ماشاءالله ودلوقتي بيقولو شكلك بالحجاب احلى وشعرك عادي عايزني البسه ب اي طريقه وبيضغطو عليا ضغط مستفز انا مامتي مسافره دلوقتي كل ماتسمع اسمي تشتمني بسبب الحجاب لو جيت اكلمها اطمن عليها تشتمني لحد مابقيت كل مااسمعها بتكلم حد اقوم بعيد
+ اني خايفه تكون بتدعي عليا
محتاجاكم تشجعوني وتدعولي لاني اتخنقت وبدات افكر جديا اني البسه عشان اخلص
Like
Show more reactions
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
