هدية إلى الذين ينكرون أى إكراه بالمدارس لارتداء الحجاب
Tuba Hosny · Friends with Rania Amin and 4 others
والله يا جماعه المدارس والدراسه مبقتش مكان للمعرفه والتعليم على قد ما هيه بتدخل ف الحريات الشخصيه انا من سنتين قبل ما ادخل المدرسه الاعدادى بابا وماما قالولى ان الحجاب فرض من ضمن شروط وقواعد المدرسه .. ولما رحت المدرسه ملقتش ان كلامهم دة صح وان الحجاب مش من قواعد الزى .. بس الى شوفته ان الى بشعرهم مكنوش بيتسابوا ف حالهم منهم انا .. كنت الاولى على دفعتى ف المدرسه ورحت اجيب الشهادة من اوضه المديرة لقتها مبتسمه ليا ابتسامه صفرا وبتقولى انتى مش محجبه ليه يا روان بصتلها كدة وانا مبتسمه كنت لسه بريئه ورديت قولتلها عادى قالتلى انتتى لازم توعدينى انك تلبسى لان دة بيحفظك وبيصونك وبلا بلا ومسابتنيش غير لما اجبرتنى انى اوعدها وهيه بتقولى خليكى فاكرة الى بيوعد وميوفيش يبقى منافق والمنافق ف النار … عايزة حضرتك تركز على حاجه مهمه وهما طلاب الازهر الى شفت منهم كتير الى بيطلعوا مقتنعين بحاجات انا شخصيا استغربتلها زى ازاى الواحد ياكل فالشارع دة حرام وان البنت المفروض تتحجب من وهيه صغيرة عشان اما تكبر متلاقيش صعوبه ف انها تلبسه لانها خلاص هتكون اتعودت عليه .. وحاجه كمان هيه المناهج الى لما بيتم شرحها بيتم دمج الدين فيها بداعى او من غير داعى والحضارة الفرعونيه الى بيتكلموا عنها وحش ومش بيجيبوا سيرتها كمثال على ذكاء وتحضر وتقدم اجدادنا
24 mins · Like · 1
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
