هجوم حاد على الزميل أحمد علام من أقباط المهجر وبعض الأقباط فى مصر، والتهمة هى ادعاء العلمانية فى حين انه ديب خاطف على حد وصف احدهم، بيخطف بنات الأقباط ويستغل كلامها او صورها فى التشهير بها وابتزازها.
الموضوع معايا ع الخاص من كام شهر، صديقة محترمة من أقباط المهجر بتتهمه انه شتمها شتيمة قذرة، ودى حقيقة، بس هى شتمته برضه، يمكن هو تجاوز بس كان رد عليها، وبعد فترة من الكلام مع الصديقة دى دخلت فى مشكلة معايا شخصيا باعتبارى ضد المسيح وهى مش هاتسمح لى اهين ربها، وكان ردى عليها بكل احترام هو البلوك، مبحبش انا نوعية بلطجية السما المدافعين عن رب عاجز بيوكلهم يحموه.
امبارح لقيت برنامج طويل بيتهمه بالاسم انه ضد المسيحيين،و متحرش ببناتهم باعتبارهم غنيمة اسلامية، الفترة إللى قبل كدة كانت تلميحات من أصدقاء ليا زى المستشار فؤاد صوما، أستاذنا علاء رمزى، وغيرهم كتير اوى، بدون ذكر اسماء وبالتالى مافكرتش أنشر القصة.
انا عارف وجهة نظر المسيحيين من حواراتى معاهم ع الخاص، و النهاردة حاولت اكلم أحمد علام اكتر من مرة، وللأسف بعت لى انه فى الشارع مش فاضى، فكان لازم أنشر البوست دة عشان نص الفيس بيسأل مين العلمانى المتحرش دة، والتهمة طايلة كل العلمانيين، لدرجة النهاردة قريت تعليقات فى بوست فيه علاء مع صديقة تنويرية علمانية بيقولوا ومحدش يصدق اى علمانى، مصيبة طبعا وعلى دماغ القبطى قبل العلمانى.
قصره ماعرفش هل أحمد متحرش فعلا يالمسيحيات وبيحط السم ف العسل، ولا هى هوجة على تنويرى زى ماهاجوا مرة على سيد القمنى، إللى اعرفه انه لو طلب فلوس من قبطية او طلب يبوسها ف بير السلم، تنشر الشات بعد ماتشيل اسمها، غير كدة مش مقبول الاستمرار فى المهزلة المهينة للجميع دى.
انت لو راجل، وانتى لو شريفة . . . هاتوا دليل واحد، وانا لا احمد يهمنى ولاعلام، وهاولع فيه قبلكم واهتك عرضه، لكن شغل الكلام المرسل دة مش مقبول لانها كأس وداير.
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
