بما إنه كتبت منشور عن أنواع الملحدين إللي بيضربوا على عصبي، أقدم لكم أطروحتي الجديدة أنواع المؤمنين إللي بيضربوا على عصبي:
- المؤمن النسوي:
سميته نسوي عشان هو مؤمن إنه الدين نزل بس للمرأة، هو عادي يسكر يزني يعمل السبعة وذمتها عادي زلمة ما بيعيبه إشي، وإذا شاف أخوه ابنه ابن عمه مع نسوان بيضحكله ولك هههههههه هع هع هع هع كع كع كع متى بدك تهدا يا خلبوص؟؟ بس إذا شاف بنت مطلعة أصبع رجلها الصغير بتيجيه رعشه بيبلش يرجف عروقه بينفجروا بقبقه بيروح ورا جفنه وعينه بتقلب بيضة وبيبلش أختااااااااااااااااااااااه أين الدين ???????????????????????? أين الدين ????????????????????????
وأزبل نوع هو أبو جريمة شرف عشان اخته تعطي قلم لزميلها في المحاضرة حرااااااااااام بس القتل عادي. - المؤمن الرادار ملك الإيثار:
هذا الشخص عنده إيثار لدرجة مش مهتم يدخل حاله الجنة، مضحي بكل وقته وجهده عشان يدخل الناس عالنار ????????????، بحسسنا إنه ربنا بده كمان شوي ياخد إذنه قبل ما يدخل حد عالجنة.
-
داعش ومش داعش:
هذا مؤمن مقضيها يحكي ٢٤ ساعة داعش لا تمثل الدين وكلامه صح ١٠٠٪ وملعون أي واحد بحكي غير هيك.. بس إذا شاف منشور بينتقد تصرفات داعشية بيحمر وجهه وبيبلش حسبي الله ونعم الوكيل ليش بتنتقدوا الدين!!! ولك يا دابة مش أنا وانت متفقين إنه داعش لا تمثل الدين؟؟
هذا بيجي نوعين: عبيط طيب قلبه أبيض بس حاسس حاله مستهدف ٢٤ ساعة، والنوع الثاني داعشي متخفي فأكيد رح يزعل بس تجيب سيرة داعش. -
إيمان إيه إللي انت جاي تقول عليه؟؟
هذا مؤمن برجال الدين والعادات والتقاليد ومفكرهم دين، ممنوع تنتقد رجال الدين قدامه بيتشنج عشان بيغلطوش ودايمًا فاهمينهم غلط ودايمًا كلامهم مجتزأ والعريفي عارف إسم الغدة بس بدوش يحرج ناسا إللي مخبية الغدة واسمها.. هذا غير العادات والتقاليد الكريهة إللي مفكرها دين، زي مثلا جريمة الشرف في كثير مفكرها دين وإذا بتحارب جريمة الشرف فجأة بتطول لحيته وبتنبل بدموعه وبيبلش الدييييييين يا ولاد الكلب.
أو مثلا بيفكر اللباس العربي إللي كان موجود زمان جزء لا يتجزأ من الإيمان وإللي بيلبس بدلة منافق. "مع كامل حبي واحترامي ل اللبس العربي" -
يحق للمؤمن ما لا يحق لغيره:
هذا بيجي نوعين:
النوع أ بيحكي للناس رجاءً ما حدش يفتي بالدين الدين علم مش كل حد بيفهم فيه مثلي ومعه حق، بس هذا نفسه بتلاقيه بيفتي بالكيميا وبيهبد بالفيزيا وبيخبص بالأحياء وبالطب وبعلم النفس والتطور والنظرية النسبية، ماسورة علم وفاتحة الله وكيلكم.
النوع ب بينتقد كل الأديان في العالم مع ابتسامة علم وحوار ويلا ليش لأ خلونا نتحاور، بس أول ما حد ينتقد دينه بيقلب رجل قانون وعالمحكمة ودعاوي ازدراء أديان بالجملة.
-
المؤمن النفسية:
هذا بس ضفته عشان اللي ضحك عبوست الملحدين ورح يتحسس ويزعل من هذا البوست.
نيكولاس خوري | ناقد سياسي ساخر
