من تاريخ الإلحاد فى مصر ……………
“7”
بوست صادم للمسلمين والمسيحيين وحتى للملحدين، بس أرجو من الجميع التفهم إننا بنكتب تاريخ جديد للأديان وللملحدين والمؤمنين، تحملونى قليلا وحاولوا فقط أن تتخيلوا أنكم جميعا مضحوك عليكم ومغضوب عليكم وضالين بدون آمين:
نوصل دلوقتى فى عرضنا ل تاريخ الإلحاد فى مصر لأعظم مفكر مصرى على الإطلاق، وبلا إستثناء، مولانا الشيخ الأحمر خليل عبد الكريم.
مواليد أسوان سنة 1930 ، وأى أسوانى وأسوانية يبقى فورا أنضف من أنجبت مصر، مستحيل تلاقى أسوانى وحش، دول الكريزة اللى على وش التورتة المصراوية.
درس القانون فى جامعة فؤاد الأول واتخرج سنة 51، وانضم ل جماعة الإخوان المسلمين، واعتقل مرتين معاهم فى سنة 54 وتانى مرة فى قضية سيد قطب الشهيرة سنة 65 ، ورغم كدة انضم لحزب التجمع واتبنى نظرة جديدة وقراءة تاريخية مختلفة للإسلام.
بدأت الفكرة فى ذهنه لما قرأ حديث بن مسعود” علمنا رسول الله كل شئ حتى الخراءة”، طب هو النبى علمهم ازاى يدخلوا الحمام ويمسحوا مؤخرتهم ونسى يعلمهم كيفية تداول السلطة وتعيين خليفة له فى الدولة الإسلامية؟
تعالى لسيرة الصحابة تلاقيها مليانة مصايب وحروب وخلافات وقتل وزنا وسرقة وحروب، إزاى الناس دى كانت نتاج النبوة وعصرها اللى بيتباهى بيهم رسول الإسلام؟
الراجل كتب 13 كتاب ياريت لو حد يقدر ينزلهم هنا ف الكومنتات، ونبتدى معاه بكتابه الأشهر فترة التكوين فى حياة الصادق الأمين.
بيتكلم عن إرهاصات النبوة فى جزيرة العرب وانهم مستنيين نبى، وأشطرهم كانت السيدة خديجة بنت خويلد اللى كانت من قبيلة بنى أسد، ودى قبيلة تفشت فيها النصرانية، ويزعم الكاتب أن السيدة خديجة نفسها كانت نصرانية ويستدل بعدة شواهد.
أولها أنها إبنة عم ورقة بن نوفل وهو نصرانى ربما كان من طائفة الأبيونيين، وربما ترجم هذا الرجل كتاب أو إنجيل متى فى أصله العبرانى الذى كان يتعبد به الحواريين واليهود المتنصرين، وهو غير إنجيل متى الذى نراه حاليا، ودى قصة طويلة هانشرحها معاه وهو بيتكلم عن نظرة محمد للنبى عيسى.
وخديجة أيضا إبنة عم عثمان بن الحويرث بطريرك النصارى فى جزيرة العرب، ونسيب شوية مولانا خليل واكلمكم عن عثمان بن الحويرث أهم شخصية فى التاريخ الإسلامى والشخصية الأكثر غموضا والأب الروحى للنبى محمد……تخيل؟
عثمان كان من الحنفاء، ودى ناس تركت عبادة الأصنام وشرب الخمر والزنا وتوجهت لله بالعبادة بدون دين معين، شوية وآمن بالمسيحية ومعظم قبيلته لدرجة تعيينه بطريرك النصارى فى جزيرة العرب، بس الراجل عايز يبقى ملك على قريش، وقريش زى معظم البدو بيكرهوا الملك، بس برضه الراجل حاول يستغل الدين المسيحى فى الوصول للسلطة، ودى اللى اتعلمتها منه خديجة ومحمد فى الوصول للحكم عن طريق السماء.
عثمان قدر يوصل ل قيصر الروم وطلب منه قوة تساعده يملك على قريش وينشر فيها المسيحية، قريش إتخضت من الفكرة وسيادة بنى أسد على باقى البيوتات المكية الشريفة، فأرسلت له “ابن جفنة” دس له السم ومات فى الشام.
هنا نرجع ل مولانا خليل، بيقول إن خديجة المسيحية حاولت توصل للملك برضه عن طريق الدين، واختارت الشاب محمد الغلبان اللى كان بيشتغل راعى غنم، ودى شغلانة كان بيشتغلها العبيد فقط فى مكة، لأنه كان فى منتهى الفقر، وهى كانت فى منتهى الثراء، تقريبا ثروتها تعادل ثروة قريش كلها، ورغم إنها كانت فى الأربعين وربما الخمسين من عمرها، تقدمت بجرأة وطلبت الزواج من محمد وبدأت فى إعداده للنبوة برعاية خادمها النصرانى ميسرة، وابن عمها مترجم إنجيل متى العبرانى والكاره للمسيحية البولسية المؤلهة للرب يسوع.
نرجع للأبيونيين تانى، المؤرخين جميعا مش عارفين إزاى ورقة نصرانى وبيدعم محمد الوثنى فى خلق دين جديد، نقول هنا إن الأبيونيين ” ودى كلمة عبرية بمعنى الفقراء” كانوا مؤمنين بالنبى يسوع ابن مريم من زوجها يوسف النجار، وكانوا بيتعبدوا بالعهد القديم ومعاهم إنجيل متى اللى بيؤكد نبوة يسوع مش ألوهيته، دة قبل مايدخل بولس ويعلن للمرة الأولى فى التاريخ المسيحى إن يسوع إله، وهنا حدثت موقعة الغرلة أو المجمع المسكونى الأولى ” مجمع أورشليم سنة 50 ميلادية، ودة مجمع ماحدش من المسيحيين يعرف عنه حاجة ومعتم عليه، تعالوا نحكى لكم عن مجمع أورشليم اللى قضى ع النبى يسوع وخلق الرب يسوع على يد بولس الرسول، وهو مارفضه الأبيونيين ومنهم ورقة بن نوفل الأب الثانى للنبى محمد وللإسلام.!!!!!!
عارف إنى بحكى كلام غريب ع المسلمين والمسيحيين، بس استحملونى شوية لأنى بكتب عن خليل عبد الكريم اللى أنا شخصيا بقدسه.!!!
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
