مره كنت قاعده مع تيتا وبتحكيلي عن الزمن الجميل????…… بتحكيلي زمان يا ستي كنا نلبس تنوره لفوق الركبه وهالرجلين ما يبلو والقميص الشيفون الناعم والشعر لأخر الظهر يا مفرود يا مجدل جدوله….. ❤️وحتى الي بتكون ملتزمه بتلبس ترواك فوق اللبسه والترواك مسكر بس لنصه والحجاب بنربطه والشعر مفرود من ورا❤️…… بتحكيلي إنه النسوان زمان كانو يتباهو بجمال مسكه السيجاره بإيديهم النعامات والمناكير الأحمر متل توت الشام???? … وأحيانا المتزوج يحب مرته تدخن معه????…… يا ستي الزلمه قديش كان يشوف حلوات و جمال زمان مش متل جمال هلا…. الجمال كان راقي كتير ، وناعم ولما نحكي عن مرا حلوه تكون جد حلوه و يشوف أشكال وألوان مع هيك كانت مرته كل إشي بالنسبه إله حتى لو اتطلع هون وهون بس كان يموت على مرته…. كانت المحبه كبيره والقلوب صافيه….
وحكتلي صح زمان كان الدين عنا خفيف بس عمره ما سمعنا هاد اتحرش بهاي ولا هاد حكى عن هاي لأنها مش محجبه أو عشان لبسها كانو يتقبلو كل اشي كل واحد ماشي على مواله…….
حكتلي لا تصدقي الي بتسمعي عن زمان إنه كنا جاهلين
صح أغلبنا مش دارسين بس بنفهم ومثقفين عن ميه طالب جامعي كنا بنفهم بالسياسه وبالطبخ وبالنفخ ويالعلاقات الإجتماعيه والأسريه وكيف نتعامل مع بعض بمحبه ورحمه
الزمن هاد بقرف يا ستي كله جهل وحقد ومرض وفهم الدين بشكل غلط ????
#النسوانكانونسوانوالزلامكانو_زلام
أرسل بريدا إلكترونيا 
