مصيبتنا الآن فى مصر هى المنطقة “الرمادية”… عارفين ليه حالنا مش تمام وهناك دول كثيرة تقدمت علينا فى موضوع حقوق المرأة وقضية الحجاب وعلي رأسها السعودية… ودول الخليج.. وحتى ايران؟؟؟ لان عندهم من ناحية ناس تدافع عن الحجاب بشراسة وتحاول فرضه بالتخويف والقهر النفسى.. ومن ناحية تانية ناس رافضين للحجاب ويؤكدون انه مش فرض (وانا اتنبح صوتى من عشر سنين اقول انه مش فرض)..
والصراع بين الجانبين فى هذه الدول لا بد ان ينتهى بانتصار الجانب اللى بيقول انه مش فرض لان مفيش طرف ثالث على الخط يقوم بالتشويش والممالأة..
اما نحن فى مصر: فعندنا الجانبين: الشيوخ (ومعاهم ملايين) يقولون ان الحجاب فرض من السماء وهناك اقلية تقول ان الحجاب مش فرض ولا حاجة بالأدلة والبراهين.. لكن المصيبة ان هناك طرف ثالث يقف بين الابيض والاسود فيما اسميه المنطقة الرمادية.. يعنى ايه؟؟؟ يعنى هناك نغمة قوية جدا جدا وخاصة فى الاعلام تدافع عن الحجاب وتقول انه “حرية شخصية” وانه ” مفيش حد بيجبر البنات او السيدات على التحجب”… وهذا الكلام يفوح بالكذب والنفاق لان ملايين الفتيات عانوا من الضرب والأذى والحرمان والتخويف والارهاب النفسى عندما حاولوا خلع الحجاب.. الآن تظهر كل مذيعات التلفزيون بدون حجاب وشعرهم اصفر يهفهف على خدودهم ويقولون بكل بجاحة ان الحجاب فرض.. طب حضرتك مقتنعة انه فرض مش لابساه ليه ياماما؟؟؟ بتضحكى على مين؟؟
هذه المنطقة الرمادية هى من اهم اسباب الحالة اللى احنا فيها.. فهى تقوم بتمييع القضية وتشويه مضمونها خاصة عندما تقول المذيعة ب “سهوكة” ادعولى ان ربنا يكتب لى الحجاب!!!!!! فيه نفاق وحقارة اكثر من كده؟؟ فيه ضحك على ربنا اكثر من كده؟؟؟ والمصيبة ان هناك غالبية من الناس مقتنعة بهذه النغمة الجديدة اللى اخترعوها اقطاب المداهنة والرياء والضحك على عقول السذج..
هذه المنطقة الرمادية هى مربط الفرس.. وطالما هى موجودة بقوة سيظل عندما مشكلة الحجاب التى اعتبرها من اخطر واهم قضايا الوطن.. الموجهة يجب ان تكون بين انصار فرض الحجاب والرافضين لفرض الحجاب.. عندما سيحسم الامر.. لكن المنطقة الرمادية تعطل مسيرة حرية المرأة وتجعل المجتمع يغوص فى مستنقع النفاق والغش ولى ذراع الحقيقة
يمكنك دعم الموقع من هنا
مؤسسة ندى لحماية الفتيات
تاعب نفسك ايه ياشريف انت وشريفة. ما تسيبوا. البنات علي راحتهم. ال عاوزة تلبس اهلا وسهلا وال موش عاوزة تلبس هي حره. او. موضه. انما الضرب والكلام الهجص. ده. قليل لان ال موش هتخاف من ربنا. لن تخاف من. ابوها. اهدي بس انت. وبلاش. تتعب نفسك. ياريت ترجع باريس لنا. هنا افضل. لك وحشه ياشوباشي. والله يرحم. اللاوندي. ومحمود العزب
لكن عندنا في مصر الامر مختلف يا فندم
المراه في مصر ترتدي الحجاب بإرادتها وليس جبرا
الحجاب ليس فرض ولكن عادة بدوية صحراوية فقط
اغلب البنات فى مصر يتمنون ان يخلعن الحجاب ان شعرهن يرى الشمس والهواء لكن للأسف الآباء والأمهات يعترضون على ذلك ويقهرون بناتهم
الحجاب بقى مشكلة ومن أخطر وأهم القضايا🤔 مع إنكم كنتم بتقولوا ده مجرد حتة قماش !!!! عجيب أمركم والله
احسنت وسلمت يداك
أعترف اننى مع إنى مسيحية والمفروض ان مش من شأنى أبت فى حاجة زى دى إلا إنى مقدرش أقول لصاحبتى فى وشها إن حجابها ليس فرض ولو دارت مناقشة حول هذا الموضوع بأضطر ياأنسحب ياأغير الموضوع
على نظام أحب الصالحين ولست منهم
يسلم لسانك!
مفيش فايده ياستاذ شريف مصر غاصت في الوحل وبتموت تحت رعايه حكوميه ومن فوق قوق قوي ده بايده يلغي كل اللي بيقولوه مشايخ الجهل ويقفهم عند حدهم ولكن حط تحت لكن مليون خط
وربنا عندنا أمور أهم بكتير!
كلام حضرتك صحيح كتير من اللى يشعرهم سواء مذيعين بلوجر ..ممثليين بردو بيقول كده بالظبط …نفسى البسه ادعولى …ناس مريضه
طيب هي اللي نفسها تلبسه ايه اللي مانعها ولا هي مغازلة لتيار المتأسلمين وخلاص
هو ده الكلام المفيد
فعلا
كلام حضرتك مظبوط جدا
للأسف ثقافة الجهل مسيطره
فعلا دى حقيقة بالاضافة لاا٨زهر
السلطة ليس لديها حلول حقيقية لمشاكل البلد. خليهم يتسلو سياستهم! 😉🤗
المنطقة الرمادية موجودة في مصر في كل المجالات الاجتماعية والاقتصادية والسياسية ،، اتفق مع حضرتك أنها مسئولة عن عصور الاضمحلال التي مرت في تاريخ مصر 🇪🇬
المنطقة الرمادية دى خطة خمسينية طويلة الامد لم تنهى بعد الهدف منها فى النهاية ان الانسان ميعرفش هو مين ولا رايح فين ولا عمل ايه ولا جاى منين ثم يموت مقهور مسطول مغيب
المنطقة الرمادية دي عاملة كدة زي الثقوب السوداء الموجودة في المجرة
كل الخوف انها تبتلع نجوم التنوير ونتحول الي مصرغستان اللي بتقطع من لحم شعبها كل سنة 26مليار جنيه للكهنوت الازهري
ربنا يستر من اللي جاي
تمييع الامور هى قمة المماطلة
الظلم والقهر ان الاعلام بيطلب فتيات غير محجبات ، هذا هو الظلم ، نحن نلبس الحجاب بارادتنا ، لانة فرض ، مفيش واحدة هتكرة تبين شعرها ، لكن فرض ولو مش فرض افرض مت واتعذبت علي كلامكم ، هو الواحد ناقص يبقي عذاب في دنيا واخرة ، وقول حضرتك ان مفيش عذاب
والله الدنيا دي غريبة اوي
دع الخلق للخالق لو ربنا كان عاوزنا كدا طلع لنا شعر لية كان خلانا قرع
غطاء الرئس و اللباس المحتشم واجب في بيوت العبادة احترام للمكان و قدسيتة فقط لا غير
و كلة يروح يوزن برة
المنطقة الرمادية دي للاسف موجودة في في اغلب مشاكلنا المجتمعية ويمكن تكون سبب المشكلة اصلا ….
تحياتي لحضرتك
بدليل ان ناس كتير اعرفهم رافضين للحجاب والنقاب
ومع ذلك مش عندهم الجرأه يخلعوه
هى دى المنطقه الرماديه
وحتي اشباه الرجال اللي عايزين يهربوا او يختفوا ، بيلبسوا النقاب ؟؟؟
الرجل المناسب في المكان المناسب 🌹
👍👍👍
حضرتك لمست اكتر نقطة مستفزة فعلا سمعت الجملة دي من مذيعات و بسهوكة عجيبة ، و فيه مذيعة مش محجبة بنتها اتحجبت كتبت بوست كان فيه جملة غريبة معناها انها مبسوطة ان ربنا من على بنتها بالستر
الحقيقة ما هو أهم من الحجاب كزي هو أنه للاسف رمز لمظاهر أخرى من القهر و الظلم والعنف اللفظي و النفسي و الجسدي ضد المرأة.
نحن نحتاج أن نجعل سنه 23 الاستثمار فى العقول فى كل مجالات الحياه
سوف أصدقك لو خرجت الآن وتكلمت بصدق عن أحوالنا الأقتصادية ووضعنا بين الدول
عن هموم ومشاكل الشعب المطحون اللي ماشي يكلم نفسه في الشارع
نغمة الحجاب والدين والكلام ده مش فارق مع الناس
الناس قربت تطلع من هدومها مش من الحجاب ومحدش حاسس بينا
انت عايش في برج عاجي ولا لسه عايش في سنة 2010 ولا ايه
انزل بس معانا لأرض الواقع حضرتك
أو أظبط آلة الزمن على أعتاب 2023
انا لبست الحجاب بالضرب والتعنيف الشديد ولو خلعته هيقتلو ني اهلي
الحجاب عمره ما كان حريه شخصيه
دا تعذيب بدني ونفسي