صديق مهذب ناشر بوست على صفحته مع الصورتين دول، وبيقول إن اللبس دة مايليقش على مفكر زى ابراهيم عيسى، ورد عليه الأصدقاء أكتر من 160 تعليق، منهم حوالى 150 واقف فى صف إبراهيم عيسى ولبسه تحت شعار المهم بيقدم ايه مش لابس ايه، ودى حرية شخصية، والنوعيات الهبلة دى من الردود، وللأسف معظم اللى علقوا من أصدقائى.
إجنا ياجماعة لازم نفهم معنى الحرية صح، لأنى شايف – الكل- أيوه الكل متخيل الحرية بلاحدود، ودة تخلف فكرى وإعاقة ذهنية، لأ مش من حق عيسى يلبس قميص شعبان عبد الرحيم ولاجلابية نوم باعتباره حر، أو زى ماعلق بأف من الأصدقاء وقال الجلابية زى محترم مسموح له بدخول الأوبرا- دى أول مرة اسمعها- لأنها الزى الوطنى المصرى، أيوة يا صديقى البأف هى زى أنا فخور بيه وبلبسه، بس مش جلابية نوم، ولا ف الأوبرا ولا فى المدينة، إحنا ضد ترييف المدينة وضد ” فلحنة” الأوبرا والصبح ألاقى أغانى مهرجانات لأنها بتعبر عن المصرى المنحط اللى هو معظم المصريين.
مافيش قانون يمنعمك تجرى بلبوص ورا عربية الرش، بس ماتجيش بعدها وتحاول تقنعنى إنك مفكر مش بلياتشو وف وقت فراغك بتمارس هوايتك ف الجرى بلبوص ف الشوارع، وييجى وقت الشغل تلبس لى حمو بيكا وعايز تنورنى وانت حتة بيكا تافه فكريا، ماهو لبسك معبر عنك، لما بلبس الجلابية ببقى الحاج، وفى البدلة ببقى اللفندى، ولو لبست حلق وتوكة ف شعرى الطويل وبنطلون ساقط، هابقى شاب ثورى مصرى، او من المعلقين على بوست صديقنا اياه، معروفة يعنى …………………..
ولسة لينا كمالة ف بوست تانى .!!!
يمكنك دعم الموقع من هنا
مؤسسة ندى لحماية الفتيات
برافو ..
برااافوووااا
احسنت
طبعا الشكل و الملبس والنظافة برضه احيانا بتنم فكر صاحبها وشخصيته
لكل منا زلاته ..
وف تلك الحاله …
وجب تعديل المسار
وحشتنا
معظمنا بيتوه بين الحرية والحرية المنضبطة
اتعلمت ياعمنا من خلال شغلى ان مظهرك مهم جدااااا لدورك وظيفتك داخل العمل وخارجة
اتفق معكم تماما فى رايك ياصديقى المحترم ترييف المدن عمدا دة شعار مصر من٥٣ سنه منذ عصر كبير العيله وبنته همت
عظيم يا مولانا …🌹
متابع وحشتنا يا غالي
اتفق معك جدا 👌👌👍👍
لكل مقام مقال .
المشكله انه حتي اما لبس جلابيه ملبسش جلابيه مصريه
ومال لبسه فيه اييه؟
هو الجلبيه االي لابسها استاذ ابراهيم بيقابل بيها الناس
لو رسمي لل مش حلو
وعهد الله انت برنس
بس القميص فعلا عادي مفيهوش حاجة شاذة يعني
كلام حضرتك صح مية فى المية
فيه آية عندنا بتقول
كل الأشياء تحل لى
و لكن ليس كل شئ يوافق
فعلا لا الجلابية تليق بكاتب وفى معرض للكتاب ولا القميص المزركشة. بهذا الشكل الفج يليق ببرنامج جماهيرى
المفروض يكون فيه ستايليست للبرنامج و يمكن هو ده ذوقه تبقى مصيبة
بس هو مش بلبوص! ومافيش كود معين للبس علي حد علمي!
Mohamed Shouman
انا في العموم مش باحب لبسه لكن في النهاية انا شايف انه حر ولبسه مش odd او inconvenient للدرجة دي… متفهم وجهة نظر حضرتك
انت نفسك تكون زيه ياشومان ولو قميص نوم مش جلابية نوم …. نبطل الاحقاد الدفينة للفلاح المصرى دى
مع اعجابى بمحتوى برنامجه الا انى أتفق تماما مع عدم تناسب ملابسه مع قيمته كااعلامى متميز
يا مولانا كان في وقت الناس بطول شعرها وكان عادي ودلوقتي ناس بتحلق زيزو ودا حاليًا عادي ولبس والوان عيسي في اللي بيشوفها اوفر وفي اللي بيشوفها موضه وشيك علي العموم زي ما علق احد الاصدقاء هناك تعليق عجبني مش مهم اللبس في الاعلامي او المسؤول المهم انه يكون نظيف الفكر والضمير
القميص عادى موضوع جلابية النوم دى هيا اللى فلتت منه بس معلش كلأ منا له سقطاته مش هنعلق له المشنقة
اللبس من اول المؤشرات الي بتعرفك الشخصية الي قدامك من قبل ما تتعرف عليها او تتكلم معاها و تعرف بتقدم اللبس مراية البيئة الي جاي منها الانسان و انا هنا مش بتكلم عن سعر او ماركة اللبس انما على ترتيبه و شكله
من فضلك إذكر لى فكره واحده من إفراز إبراهيم
تحياتى
مختلف
مولانا أتفق معك تماماً أن إبراهيم عيسى هو الإعلامى الأول و الأخير فى الإعلام المصري و الباقي من الإعلاميين
👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿
كله بياكل عيش