د القمنى بيقترح إن النبى محمد مات شهيد، مات مسموم بس مش على ايد يهودية للأسف، إزاى؟
إحنا نرتب الأحداث، النبى تعب صحيا وتم نقله لغرفة عائشة، والمرشحين لخلافته أولا على إبن عمه، وثانيا أبو بكر وعمر أقوى الصحابة قربا من النبى، يقوم النبى يؤمر الشيخان بالخروج من مكة فى جيش تحت قيادة الطفل أسامة بن زيد، بحيث ماحدش ينافس على، الشيخان بيعصوا أمر النبى رغم إنه كل مرة يفوق من الغيبوبة يشدد على خروج الجيش .
وف يوم النبى يصحى من نومه يحس إن حد إداله دوا وهو نايم، ويصر بغضب إن كل من الغرفة ياخدوا من نفس الدوا، طبعا واضح إنه خايف من السم، وماننساش إنه اتعرض لمحاولة إغتيال وهو راجع من غزوة حنين، وكان خايف من كل الصحابة ومشى هو ف طريق مع حارس والجيش كله والصحابة فى طريق تانى، وبرضه هجم عليه ملثمين عايزين يقتلوه، دى حادثة معتم عليها إسلاميا لدواعى القداسة للجميع.!!!
وفى النهاية النبى يلعن أى حد يرفض أمره بالخروج من المدينة فى جيش الشام، وماحدش عايز يبقى ملعون من نبى، يخرج الجيش وابو بكر وعمر، ولكنه يعسكر على مقربة من المدينة، يعنى تحايلوا برضه على لعن النبى لهم.
هنا يصبح التحدى سافرا، يطلب النبى ورقة وقلم يكتب لهم كتاب لن يضلوا بعده أبدا، ولكن عمر وبكل قسوة يعلق ” دعوه فإنه يهجر”، يعنى ماحدش يسأل فيه دة بيخرف، ومش متخيل الجملة القاسية دى تصدر حتى من نيرون مش بن الخطاب اللى هرب فى عركة هوازن هو وابو بكر وعثمان وسابوا النبى وحيدا ليواجه مصيره، وهنا يقول عليه بيخرف.
الحجرة مافيش فيها غير النبى وزوجته عائشة ويموت النبى فى غياب العباس وعلى وفاطمة وبقية أقارب النبى، وينشغل الأهل فى تجهيزات الدفن ليسارع أبو بكر وعمر ويستلما الخلافة فى غفلة من الجميع .!!!
هل مات النبى بالسم أو بالخنق من أقرب الأحباب؟ هل هناك علاقة بين رفض عمر تصديق وفاة النبى والإدعاء برجعته مثل يسوع بعد ثلاثة أيام، وبين دفنه بعد أيام بعد أن ظهرت رائحة جثته واضطروا لدفنه تحت الفراش؟
احنا مش عارفين الحقيقة، ولكننا نشكك فيما لايقبله العقل………………
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
