بوست موجه للرجال فقط:
عزيزي رغبتك بوجود أنثى بحياتك هي رغبة طبيعية ولا عيب فيها، الله خلقنا هيك أو الطبيعة طورتنا هيك زي ما بدّك، المشكلة هي في أسلوب تحقيقك لهاي المهمة، تهجم على بنت في الشارع مش صح لسبيين: أول سبب هذا أسلوب إجرامي حيواني مقرف يسبب الخوف والأذية للجنس الآخر، السبب الثاني هو إنه هذا الأسلوب هو أسلوب فاشل… آه فاشل… مافي ولا بنت بالدنيا رح تحبك لما تشوفك واقف زي قرد البابون مستني أي أنثى تمر عشان تبدا تطلع بأصوات مش مفهومة مع كلام قذر!! مافي بنت رح تحبك إذا حاولت تدعسها، مافي بنت رح تحترمك إذا بدك تكون كلب تحت رجليها أو لما تبعتلها ألف مسج تترجاها تعبرك يا رخيص ???? مافي بنت رح تحس إنك ممكن تكون مستقبل آمن إلها وانت عامل زي كلب بيت بول مصعور ممكن تعض بأي لحظة فلازم نربطك أو نقتلك برصاصة رحمة ????
في كثير طرق ييجي يوم يكون في بنت بحياتك وبحكيش عن حلال وحرام هذا قرارك بناءً على إيمانك.. وهذا اليوم رح يجي صدقني بس بالبداية لازم تكون إنسان وبعد ما تصير إنسان لازم تصير زلمة عندك كرامتك وهيبتك ووقارك واحترامك لذاتك ولمجتمعك، لازم يكون عندك أخلاق… مش هذا إللي بتتمناه لأختك؟ وهذا كمان إللي بيتمناه أي إنسان لأخته.
عيد وراي أنا إنسان مش قرد بابون أطلع أصوات تناسلية كل ما أشوف أنثى… أنا إنسان مش كلب بيت بول مصعور جاهز للعض بأي لحظة ففي ضرورة لطلقة رحمة تنخر جمجمتي.
أنا إنسان مش حيوان… بستحق أنحب بس بدي أنجب بالطريقة الصح عشان إنسان مش حيوان.
والمرأة إنسان يستحق العيش بأمان وهي مش سيارة ولا مصاصة ولا جاجة ولا بطيخة، إنسان يستحق الأمان.
أنا إنسان مش حيوان..
هذا المنشور لا يشمل المغتصبين ومن يبحث عن أنثى قد حفيدته، هدول طخهم حلال.
نيكولاس خوري | ناقد سياسي ساخر
