هاشم العامر | أنا اقترح نسامح الدكتور محمد نوح القضاة ، على تبريره لخيانة الزوج ..  لأن صدقا هو

أنا اقترح نسامح الدكتور محمد نوح القضاة ، على تبريره لخيانة الزوج ..
لأن صدقا هو إنسان لطيف ، ويحاول يكون معتدل ، وجده الله يرحمه كان إمام قريتنا وبين سمعته طيبة ، وكذلك والده الله يرحمه ..
الفكرة أن الدكتور عاش فترة بالخليج وتأثر بالفكر الوهابي
لكن هو كإنسان عنجد يجتهد يكون وسطي ومعتدل .. وعنجد ألطفهم ..

على الأقل هو وصف الزوج الخاين بالمريض ، ويمكن أول حدا ينتقد الرجل اللي يخون .. غيره ما عمره انتقد لو نقد الرجل الخاين .. وكل كلامهم كان عن خيانة المرأة

يعني استعرض كلامهم عن الخيانة الزوجية .. دايما يحكولك عن مثال المرأة اللي من بني اسرائيل واللي رجموها قومها<br /> شوف الدول اللي يحكمها رجال دين ، زي إيران وافغانستان والصومال وغيرهم .. كل الأخبار والفيديوهات عن الموضوع ، رجم لنساء ..

رجال الدين عبر التاريخ ، كانت مشكلتهم فقط مع المرأة .. والكلام عن رجال الدين مش الدين ..<br /> الدين بحد ذاته خطابه كان للجميع .. لكن رجال الدين والكهنة حولوه على المرأة ..

وهذا الصراع مش جديد ولا حكر على دين معين ، الفكرة انو رجال الدين ورثوا الحكم والسيطرة على المجتمع والرجل ، من المرأة ..

قبل ما تتحول الأديان لسماوية .. كانت المرأة إله وربة المنزل وسيدة الرجل ، بحكم عوامل كثيرة أهمها الانجاب والرعاية ..<br /> ويمكن للوقت الحالي الرجل يخرج من حضن أمه لحضن زوجته ، ودايما ولائه لوحده منهن ..

فلما تحولت الدفة لرجال الدين ، وقرروا السيطرة على الرجل ، تجد المرأة المنافس الأكبر ..<br /> فاجتهدوا كثير على التقليل من تلك ، ووصفوها بالعورة والفتنة واخطر من الشيطان ، وقلموا أظافرها لجعلها تحت وصاية الرجل ، وربطوها بشرف الذكر وسمعته ، وربطوا لباسها بالأخلاق والقيم ..

يعني أعطيني ذكر واحد عاقل يقبل حدا يحكي عن أمه انها عورة او ناقصة ، او حطب جهنم او افتن من الشيطان!<br /> الا اذا كان خاضع لسيطرة الكهنة فقط ..

وطبعا وصلنا للزمن الحالي .. وشايفين كيف حياة المرأة صارت بإيد الرجل ولو قتلها ، ومستحيل تسمع ربع ادانة من أبو لحية ، بالعكس دايما يبرر ويدافع ، وهذا هيك بالقتل<br /> فما بالك بموضوع زي الخيانة .. طبيعي جدا يدافع ويبرر ..

فكلام محمد نوح وغيره مش جديد ابدا .. الجديد انو التكنولوجيا الحديثة ، ولأول مرة أعطت المرأة منبر وصوت ، وساعدتها تعترض ، وتعبر وتنتقد كلام ابو لحية ..<br /> والهجمة اللي صارت على الدكتور محمد جدا مفيدة ، وانا واثق انو رح يطلع ويعدل كلامه .. وغيره رح يتعظ ويحاول يتجنب يكرر نفس الغلطة ..

فمن باب من لا يشكر العبد لا يشكر الله .. على النساء شكرا مارك طويلا ، على منحهم سلاح إذا احسنوا استغلاله ، يقدروا يدافعوا عن أنهم.

هاشم العامر | كاتب