– ولأن اللي حصل في "لبنان" .. بسبب فساد مجموعة حرامية بيسرقوا في الشعب .. وبسببه ماتت البراءة وعايشين الضباع. دي "نيكول الحلو". كانت من ضمن المفقودين اللي مكنش في أخبار عنهم. إمبارح لقوا جثمان نيكول .. عشان تقول للفسدة عار وألف عار عليكم. مش بس كده. حتى بعد ما استشهدت وفي التعليقات .. طلع فريق فاكرين إنهم معاهم مفاتيح الجنة وصكوك الغفران ورفضوا الترحم عليها ! وفريق ثاني .. قرروا يتحرشوا فيها جنسياً !
– بقينى في القرن 21. ولسه في ناس مُصرين يوزعوا كروت مين يدخل الجنة ومين يدخل النار. وكأنها بتاعت أبوهم ! والله مش موضوعكم خالص … يعني للدرجة دي مفيش ذرة إنسانية عندكم ! مشكلتنا مش مع الله. مشكلتنا هي مع الناس اللي حطوا نفسهم مكان الله. وعينوا نفسهم حماة للدين وكأن الله في مخيلتهن غير قادر على الدفاع عن نفسه .. وكأن الله يحتاج مجموعة من الحمقى للدفاع عنه .
– نيكول. واحدة من ضمن مئات المفقودين ؛ ضحية فساد من مجموعة حرامية. لا رحموها الحرامية في حياتها. ولأ رحمها حماة الدين في موتها ___ نضفوا قلوبكم من السموم. نضفوا عقولكم. الجنة مش بس ليكم لوحدكم وإلا مكنش الله خلق مليارات البشر غيركم .
– الـ///ــلام لروحك يا نيكول . ❤️
أحمد عرفات | كاتب علماني
