– طلع الداعية المودرن. عبدالله رشدي في فيديو وهو بيتكلم فيه عن (المرأة غير مستحب إنها تشتغل بره بيتها. وإنها لازم تشتغل لجوزها في البيت وبس). المهم يعني حابب أقول إنه مش بينشر سموم … ده كمان بيزايد على أمهاتنا ونساء مصر بكل بجاحة واستحقاقية. فتعالوا أدوشكم بأمي شوية كده :
- أمي يا عبدالله مدرسة لما والدي سافر السعودية. ربتني أنا وأختي بشكل عظيم. كانت بتكافح عشان نكون أسعد إثنين. حصلت ضائقة مالية لوالدي في السعودية. كان كلشي هيكون صعب. والدي تعب. بس مين كانت أول شخص يكون سبب في نهوضه ثاني. أمي ليه؟ لأنها عظيمة. ليه؟ لأنها كان معاها شهادة وعمل توقف بيه بيت كامل … وبالذات في مجتمعك المتسلط يا بوب. أنا دايماً بقول إن علاقتي مع أمي علاقة محدش هيفهمها لحد ما أموت. مش بس عشان أنا من تربيتها ولا كبيرها يمكن عشان دي احن وأقوى شخص بالعالم كله. ربت أختي على إنها تكون معاها شهادة. لأن ماما ضد إن البنت "لها بيت جوزها". بلا جوزها بلا نيلة. الشهادة والعمل والفلوس اللي يوقفوكي على رجلك الهدف .. ده كلام أمي في كل وقت لأختي. تعملت منها الحب. الوقوف ضد الظلم .. أي محتاج اساعده. أي مضطهد أقف جمبه. لو كل الحب اللي بالدنيا جالي والله قصاد قطرة دمعة من أمي. لرفضت الحب ومسحت دموع أمي !
فا بوب :
– لما تيجي بعد كده تتكلم عن أي أنثى بتكافح في مصر أو أي أم عظيمة طلعت أولاد اسوياء. أعرف حجمك كويس . ❤️
أحمد عرفات | كاتب علماني
