حد فيكم فاكر قصة داوود النبى فى التوراة؟…


حد فيكم فاكر قصة داوود النبى فى التوراة؟
يقال إن سيدنا داوود كبر وجسمه صبح بردان مهما غطوه بالبطاطين وولعوله نار، رجالته لقيت فكرة عبقرية، راحوا جابوا بنت إسمها ” أبيشج الشونمية” عندها 14 سنة، بس تحل من على حبل المشنقة، وقلعوها هدومها وقلعوا جلالته هدومه، ولزقوهم ف بعض، هنا الدم جرى ف عروق سيدنا لحد مادفى بس، يعنى هو بالتأكيد هم بها وهمت به، لكن إندفاع الدم ماكنش كفاية إنه يحقق حلمه، شوية ومات م الحسرة، وابنه أدونيا البكرى طلب يتجوز المزة دى باعتبار إنها كانت دفاية للمرحوم مش زوجة………حلو؟
من سنين طويلة صديقة من الفيس سنها تحت 18 سنة جت تزورنى، أهلا وسهلا، دخلت المطبخ أحضر لها واجب الضيافة دخلت ورايا وانا إنسحبت بهدوء وسيبتها هى تعمل القهوة، طب أنا مش لاقية سقف يلمنى ممكن أعيش معاك كام يوم؟ والله يابنيتى أنا فى مسائل الشرف دى ببقى أجبن من الجبن، وكمان أنا بخاف من بناتى وصورتى أدامهم وماقدرش أستضيفك بعد فنجان القهوة………. وخرجت ومن يومها وهى بتسب لى الدين باعتبارى عميل للأزهر متخفى على هيئة علمانى .
خرجت راحت على مفكر معروف عايش لوحده، ممكن يابو شعر أبيض أعيش معاك واخدمك، أهلا وسهلا والبيت يساع م الحبايب ألف، بالليل بتقول له هيت لك قطعنى يامعلم، قال لها والله كان نفسى يابنتى بس أنا لامؤاخذة ماشى على سنة داوود النبى، قالت له لأ ماانت مش واخد بالك دة انا معايا عصاية موسى اللى بتحيى الموتى وهم رميم، طب تعالى يابنتى ويبقى كتر خيرك وربنا يجعله ف ميزان حسناتك.!!!
المهم العصا فشلت يبدو إن الكبير كان محتاج يسوع المسيح شخصيا، بس مش مهم المهم إننا انبسطنا وافتكرنا الذى مضى، شوية وجابت طفشانة تانية من صديقاتها ولعبوا مع الكبير لعبة عصاية موسى، والكبير متكيف ومسخسخ م الضحك إنه بقى حلم العذارى، وهما الخسرانين، هو يادوب بيوفر لهم السكن والاكل والحشيش، وهما متكفلين بالمتعة.
عرفت الموضوع وحسيت بكم المهانة اللى مش قادر يفهمها صديقى، إتصلت بيه: ياكبير مايصحش اللى بيحصل دة دى استهانة بيك وبتاريخك وبرجولتك كمان، أطردهم، للأسف رفض لأنه مبسوط كدة، ماكنش فيه حل تانى غير إنى أهدد البت دى لو مامشيتش ف ظرف ساعة واحدة أنا هاتدخل……….ومشيت وخلصت الحدوتة.!!
عايز أقول ياجماعة وبالذات لبناتنا، إوعى تآمنى لعمو وجدو والراجل أبو شعر أبيض، ولا للشاب الخايب اللى مامنوش أصلا، دول أخطر من الفحل الطلوقة لأن النقص ماليهم وعايزين يكسبوا بطولة زائفة………..
المهم: إحنا داخلين ع الشتا وجتتى بردانة، ألاقيش أبيشج شونمية بين المعجبات وحياة النبى؟.!!!


يمكنك دعم الموقع من هنا
مؤسسة ندى لحماية الفتيات

سفيرة العطاء: «النبيلة»…

سفيرة العطاء: «النبيلة» #سحر_الجعارة #جريدة_الوطن بكل صلابة وإيمان ويقين وقفت على المنصة «مرفوعة الرأس» تهدهد مشاعر «المرضى المنبوذبين» وتعدهم بيد تمتد إليهم بالمساعدة وتكفكف دمعهم

التنمر بالمطلقات…

التنمر بالمطلقات #جريدة_الوطن #سحر_الجعارة هل كلمة «مطلقة» سُبّة يجب أن تُعاقب عليها المرأة بالتنمر والتمييز والوصم بالعار، وكأنها من ألقت اليمين (روحى وانتى طالق) أو