هاشم العامر | رمضان كريم ورمضان شهر خير ، ومهما كانت ظروفنا بالأردن دايما الخير موجود .. بدي

رمضان كريم ورمضان شهر خير ، ومهما كانت ظروفنا بالأردن دايما الخير موجود .. بدي احاول ما اطول بس يا ريت الكل يقرأ ..

في قصة عرفتها قبل شوي والله تقطع القلب ..<br /> في شب صديقي راح على مصر من فترة ، يكمل دراسته هناك .. وفي ناس هناك لما عرفوا انو أردني ، دلوه عن عيلة أردنية موجودة بمصر ، وتقريبا عايشين بالشارع ..

العيلة أب وأم وطفلة عمرها سنتين (اللي بالصورة) <br /> كلهم أردنيين .. والزلمة طلع من الأردن من سبع شهور ، لأنه متراكم عليه نفقة لزوجته الأولى والمبلغ وصل 7000 دينار<br /> المهم نزلت عليه شكوى وصار مطلوب ، ومرته الموجودة معه حاليا كانت كمان كافليته ، وهربت معه ..

قبل كورونا كانوا عايشين بمصنع بمصر ويشتغلوا فيه ولما صارت أزمة كورونا وقفوا شغل وطلعوهم منه وصاروا بالشارع (الصورة هاي للطفلة بالمصنع اللي كانوا فيه)

صديقي اللي راح يدرس هناك ومعه كمان شبين أردنيين ، أخذوهم من الشارع وسكنوهم معهم ، وطبعا علمكم شو بصير لما يكون اربع شباب ومعهم صبية اللي هي الام الام ، شو الناس بفكروا ، وقديش تسمع كلام ..<br /> وصاروا الشباب مغيرين أربع بيوت من ورا هالقصة ..

الام والطفلة حالتهم النفسية بالأرض ، قبل شوي كنت احكي فيديو مع صديقي وحكيت معهم وشفت ..<br /> انا ابدا مش متعاطف مع الاب ، كل المشكلة بزوجته والطفلة ، الموضوع جدا مأساوي ..

اللي فهمته انو إذا دفع جزء من المبلغ اللي متراكم عليه ، بقدر يرجع وترجع زوجته وطفلتهم ..<br /> المبلغ بحدود ٢٥٠٠ دينار ، ويندفعوا بأنها .. يعني ما رح يمسكهم بإيده ..

٢٥٠٠ دينار تكاليف رحلة حج لشخص واحد تقريبا ..<br /> أكيد أنا لو احتكم على هيك مبلغ كان ما فكرت ولا نشرت قصتهم ، ولا خليت الطفلة تعيش هيك حياة

اللي رح يتبرع رح يدفع المبلغ .. وأجره عند الله والله كريم واحنا برمضان ..

واذا ما لقينا حدا يتبرع ، ساعدوني الاقي جمعية او جهة تتكفل بالموضوع .. ونعمل حملة نجمع المبلغ ..

الموضوع ابدا ما إلو علاقة بالأب .. الفكرة كلها بالطفلة وأمها ..<br /> والله ابتسامة الطفلة تستاهل كل مصاري الدنيا

أمانة نتساعد نرجعها ع الأردن ، لأن لا المصنع بيئة صحية تكبر فيها ولا الشارع مناسب ، ومصر اللي فيها مكفيها<br /> وعندالله ما بضيع شيء

هاشم العامر | كاتب